Bu ilin 9 ayında Azərbaycan 859,6 ton mal əti konservi ixrac edib. Bu, ötən ilin eyni dövründəkindən 453,7 ton azdır, Gömrük Komitəsi məlumat verir.
Əti konservi ixracı $3 mln 843,2 min gətirib. Amma ötən illə müqayisədə mədaxil $4 mln azalıb. Bu il məhsul İraq (810,6 ton), Gürcüstan (45,7 ton) və İrana (2 ton) ixrac edilib.
Azərbaycanda əti konservlərinin yeganə istehsalçısı Xaçmazdakı “Qafqaz Konserv Zavodu” MMC-dir ( “Azersun Holdinq” qrupuna daxildir).
Bir kq ət konservi $4,47-a ixrac olunur. Bu, ötən ilkindən $1,34 ucuzdur.
Dövlətstatkoma görə, 2014-cü ildə Xaçmazda ət konservi istehsalı 1479 ton təşkil edib. Bu, ötən ilkindən 8,7% azdır. 2005-ci ildə istehsal həcmi 3600 ton olub.
Konservləşdirilmiş mal əti əsasən Rusiya (152,5 ton), Ukrayna (134,6 ton) və Almaniyadan (23,4 ton) idxal edilir. Standartlaşdırma, Metrologiya və patent üzrə Dövlət Komitəsinin məlumatına əsasən, «OVA» (RF), «Orşansk» (Belarus) konservlərini “Veysəloğlu” şirkəti idxal edir.
Rusiya istehsalı ət konservləri Azərbaycan gömrüyündə 0,79$/kq, Ukrayna istehsalı 4,4$/kq, Almaniya istehsalı 5,2$/kq bəyan edilir.
DSK-ya görə, yanvarda pərakəndə satışda yerli əti konservi 5,73AZN/kq, idxal konservi 5,97AZN/kq olub. Oktyabrda bu göstəricilər müvafiq olaraq 5,95 və 6,34-a bahalanıb. 08B
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz