Əmlak Məsələləri Dövlət Komitəsi Kadastr və Ünvanların Reyestri Xidməti Azərbaycanın 45 rayonunda 13 min 527 küçənin adsız olduğunu müəyyən edib.
Qurumun məlumatında deyilir ki, bu rəqəm 1 min 259 kənd yaşayış məntəqəsinə aiddir. Həmin küçələrə ad verilməsi üçün yaxın iki ayda müvafiq icra hakimiyyəti orqanlarına müraciətlər göndəriləcək.
Ünvanların reyestri məlumat sisteminə 6 respublika təyinatlı şəhərdə və 50 rayonda yerləşən 6705 küçə və prospektdəki daşınmaz əmlakların 603 min 126 giriş və 335 min 37 daxili ünvanları salınıb. Bakıda 758 küçə və prospektə, Gəncədə 846, Sumqayıtda 195 küçə və prospektə yeni ünvan verilib.--17D—
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz