Azərbaycan Rusiya, Qazaxıstan və Belarusun Gömrük İttifaqına daxil olmamaq qərarını açıqlayıb. Bu barədə Azərbaycan Dövlət Gömrük Xidmətinin rəhbəri Aydın Əliyev bildirib. O Avrasiya İqtisadi Komissiyasının gömrük sahəsində əməkdaşlıq üzrə naziri Vladimor Qoşinlə görüşdə bildirib ki, Azərbaycan bu təşkilata daxil olmayacaq.
Görüş Brüsseldə Ümumdünya Gömrük Təşkilatının (ÜGT) qərargah-mənzilində Gömrük sahəsində Əməkdaşlıq Şurasının sessiyası və Qlobal Aksiz Sammiti çərçivəsində keçirilib, xəbəri bu gün Dövlət Gömrük Xidmətinin mətbuat xidməti yayıb.
Gömrük İttifaqı Belarus, Qazaxıstan və Rusiyanın ticarət-iqtisadi inteqrasiyası formasıdır, gömrük rüsumlarının və iqtisadi xarakterli məhdudiyyətlərin tətbiq edilmədiyi vahid gömrük ərazisi yaradılmasını nəzərdə tutur.
Gömrük İttifaqının iştirakçısı olan ölkələr vahid gömrük tarifi və üçüncü ölkələrlə ticarətin tənzimlənməsi üzrə digər addımlar qəbul edəcəklər.
Gömrük İttifaqına daxil olma barədə təkliflərə gəlincə, Azərbaycan son vaxtlar Moskvadan bu təklifi alır. Sonuncu dəfə iyulun əvvəllərində Bakıda Rusiya Dövlət Dumasının spikeri Sergey Narışkin belə təklif irəli sürüb. -0-
İqtisadiyyat
-
Azərbaycan yeni ilə qaz, elektrik enerjisi, su və dərman tariflərinin əhəmiyyətli dərəcədə artması ilə başladı, bu da vətəndaşlar arasında ev təsərrüfatlarına maliyyə yükü ilə bağlı geniş narahatlıq yaratdı. Rəsmilər bu tədbirləri iqtisadi dayanıqlılıq üçün zəruri hesab etsələr də, tənqidçilər durğun əməkhaqqı və pensiyalarla bağlı problemlər barədə xəbərdarlıq edirlər.
-
1 yanvar tarixindən etibarən Avropa Rus qazının Ukrayna vasitəsilə müqavilə əsasında nəqlini dayandırıb. Kiyev, “təcavüzkar ölkənin” qazının öz ərazisindən keçidi ilə bağlı müqavilələri uzatmayacağını bəyan etdi. Bu qərar, Ukraynada müharibədən əvvəl qitənin qaz idxalının təxminən 50%-ni təşkil edən Rusiya enerjisindən asılılığını azaltmaqda Avropanın səyləri üçün mühüm bir mərhələni ifadə edir.
-
Tarif Şurası qeydiyyata alınmış dərman vasitələrinin topdan və pərakəndə satış üzrə maksimum qiymətlərinin tənzimlənməsinə dair qərar qəbul edib. Yeni qiymət məhdudiyyətləri 2 yanvar 2025-ci ildən qüvvəyə minir.
-
Tarif Şurası tikinti obyektlərinin su təchizatı və tullantı sularının axıdılması sistemlərinə qoşulma xidmətləri üçün ilk dəfə tarifləri təsdiqləyib, əvvəllər tənzimlənməyən və qeyri-müntəzəm ödənişlərin tətbiq olunduğu bu sahəni strukturlaşdırıb, yanvarın 2-də elan edib.
Rəy yaz