Azərbaycan imitasiya göstəriciləri üzrə liderdir

 Dünya İqtisadi Forumunun illik rəqabət qabiliyyəti reytinqində Azərbaycan 144 ölkə arasında 38-cidir. Ötən il ölkəmiz 148 ölkə arasında 39-cu idi. Azərbaycan rəsmi (imitasion) inflyasiya göstəricisi üzrə çempion, ÜDM həcminə görə 70-cidir. 

Ölkəmiz institusional inkişaf üzrə 60-cı, infrastrukturun inkişafı üzrə 70-ci, səhiyyə və ibtidai təhsil üzrə 104-cü, ali təhsil üzrə 90-cı yerdədir.

Makroiqtisadi sabitlik göstəricisi yüksəkdir - 9-cu yer. Maliyyə inkişafı üzrə 89-cu, mal bazarının səmərəlililiyi üzrə 72-ci, əmək bazarının səmərəlililiyi üzrə 33-cü, texnoloji hazırlıq üzrə 56-cı, bazarın həcminə görə 72-ci, innovasiyalar üzrə 59-cu, biznesə yardım üzrə 80-ci yerdəyik. 

Audit standartı 95-ci, minoritar səhmdarların müdafiəsi 88-ci, investorların müdafiəsi 22-ci, intellektual mülkiyyətin müdafiəsi 80-ci, hüquq sisteminin səmərəliliyi 60-cı yerdədir.

Dövlət siyasətinin şəffaflığı üzrə 48-ci, dövlət xərclərinin israfı üzrə 52-ci, infrastruktur keyfiyyəti üzrə 47-ci, avtoyolların keyfiyyəti üzrə  69-cu, dəmir yolunun keyfiyyəti üzrə 37-ci, hava nəqliyyatının keyfiyyəti üzrə 44-cü, liman infrastrukturunun keyfiyyəti üzrə 63-cü, mobil telefon təminatına görə 79-cu yerdəyik.

Azərbaycan vergi səmərəliliyində 82-ci, antiinhisar qanunvericiliyinin səmərəliliyində 130-cu, biznes qeydiyyatı proseduru sayında 10-cu, biznes qeydiyyatı vaxtı üzrə 36-cıdır.

İsveçrə 6 ildir reytinqdə liderdir. Sinqapur 2-ci, ABŞ 3-cü yerdə qərar tutub.--17D—