Bazar günündən İran-Azərbaycan sərhəddində Astara buraxılış məntəqəsində avtomobillərin və sərhəddi keçmək istəyənlərinin sayının çox olması ilə əlaqədar böyük növbə yaranıb.
Azərbaycan Dövlət Gömrük Komitəsinin (DGK) məlumatına görə, buna səbəb İrandakı müqəddəs yerləri ziyarət etmək üçün bu ölkəyə getmək istəyənlərin sayının çox olmasıdır.
Yaranmış problemi aradan qaldırmaq üçün gömrük gücləndirilmiş rejimdə işləyir. Bazar ertəsi günün sonunadək problem həllini tapacaq.
DGK-nın məlumatına görə, gün ərzində Astara məntəqəsindən 49 avtobus, 40 minik avtomobili və 3700-dən çox adam keçib ki, bu da məntəqənin buraxılış qabiliyyətindən üç dəfə çoxdur.-02D-
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz