Açiq mənbələrdən foto.
Bakı/07.03.23/Turan: "Azərbaycan İnvestisiya Şirkəti" (AİŞ) ASC "Azerbaijan Poultry Company" MMC ilə səhmdar sazişin imzalanmasını, eləcə də iki İsrail şirkəti "AgriGo" və "Shaniray Technologies" tərəfindən döllük yumurtaları istehsalına investisiya qoymaq barədə layihənin imzalandığını elan edib.
Yevlax Pilot Aqrar Parkının ərazisində ən son texnologiyalardan və müasir proseslərdən istifadə edərək ildə 18 milyon ədəd istehsal gücü olan döllük yumurta istehsalı üçün bir zavod tikilməsi planlaşdırılır. Şirkət bildirir ki, layihədə AİŞ-nin payı 29,9% təşkil edir. Layihədə ölkənin döllük yumurta idxalını azaltmaq üçün investisiyaların həcmi, digər şirkətlərin pay iştirakı və həyata keçirilmə müddəti barədə məlumat verilmir. İqtisadiyyat Nazirliyi yanında İqtisadi Zonaların İnkişafı Agentliyinə görə, Yevlax Aqrar Parkının ərazisində quşçuluq fermasının tikintisi üçün 11,1 hektar ərazi, ayrılıb.
"Azerbaijan Poultry Company" MMC 2012-ci ildə əsası qoyulan "Ucar Agro" MMC-nin ("Garant Agro") aktivlərindən yaradılıb. Onun nizamnamə kapitalı 63,8 milyon manat (37,5 milyon dollar) təşkil edir. Ucar rayonundakı 58 ha ərazisi olan müəssisənin iki ayrı kompleksi var: cücə böyütmək üçün ferma və "Mərcan" markası ilə quş əti emalı zavodu. Müəssisədə təxminən 500 nəfər daimi əsasla işləyir. 08B
İqtisadiyyat
-
Azərbaycanın maliyyə cinayətləri və terrorizmin maliyyələşdirilməsinə qarşı mexanizmləri gücləndirmək üçün strateji addım çərçivəsində Baş nazirin müavini Samir Şərifov yenidən qurulmuş Terrorizmin Maliyyələşdirilməsinə və Digər Maliyyə Cinayətlərinə qarşı Mübarizə üzrə Koordinasiya Şurasının sədri təyin olunub.
-
“Azərbaycan Dəmir Yolları” QSC-nin sədri Rövşən Rüstəmov və İran Dəmir Yollarının rəhbəri Cabbar Əli Zəkəri Sərdrudi Tehranda keçirilmiş Azərbaycan–İran Birgə Hökumətlərarası Komissiyasının iclasında Astara terminallarında əməkdaşlığın gücləndirilməsi məsələsini müzakirə ediblər. Bu terminallar Beynəlxalq Şimal-Cənub Nəqliyyat Dəhlizinin (INSTC) əsas qovşaqları hesab olunur. Görüşdə bu terminalların əməliyyat səmərəliliyinin artırılması və onların strateji əhəmiyyətinin vurğulanması ilə iki ölkə arasında yükdaşımaların artan həcminə dəstək məsələləri diqqət mərkəzində olub.
-
Azərbaycan "Yaşıl Enerji Zonasının" məqsədli qrupunun əlaqələndirilmiş səyləri ilə yaşıl enerjiyə keçidini sürətləndirir. Bu məqsədli qrup son hibrid görüşünü irəliləyişləri nəzərdən keçirmək və gələcək prioritetləri müəyyən etmək üçün təşkil edib. Energetika Nazirliyi çərşənbə günü keçirilən sessiya ilə bağlı açıqlamasında, bu qrupun 2022–2026-cı illər üçün Sosial-İqtisadi İnkişaf Strategiyasının həyata keçirilməsində mərkəzi rolunu vurğulayıb. Bu strategiya Azərbaycanın dayanıqlı inkişaf ambisiyalarının əsasını təşkil edir.
-
Azərbaycanın dövlət mədən şirkəti olan AzerGold, qlobal mədən sektorunda iştirakını genişləndirmək səyləri çərçivəsində Afrikada türk şirkətləri ilə strateji əməkdaşlıq imkanlarını araşdırır. AzerGold QSC-nin İdarə Heyətinin sədri Zakir İbrahimov və Türkiyə Xarici İşlər Nazirliyinin Qərbi və Mərkəzi Afrika Departamentinin rəhbəri Şəbnəm Cenk arasında keçirilən son danışıqlarda qarşılıqlı faydalı tərəfdaşlıq potensialı vurğulanıb.
Rəy yaz