Kənd Təsərrüfatı Nazirliyində nazir İsmət Abasov İsveçrə Konfederasiyasının Azərbaycana yeni təyin olunmuş Səfiri cənab Paskal Obişerlə görüş zamanı aqrar istehsal üzrə əməkdaşlığın genişləndirilməsini müzakirə edib. Görüşdə İsveçrə Əməkdaşlıq Təşkilatının Cənubi Qafqaz üzrə regional direktoru cənab Rudolf Şox və onun müavini cənab Matias Feldman iştirak edib.
Nazir İsmət Abasov BMT-nin Ərzaq və Kənd Təsərrüfatı (FAO) tərəfindən 2007-2012-ci illərdə Azərbaycanda həyata keçirilmiş “Azərbaycan Respublikasının Ağdam rayonunun yeni salınmış qəsəbələrində məskunlaşmış məcburi köçkünlər və qaçqınlar üçün kəndin inkişafında potensialın artırılması” layihəsinin maliyyələşdirilməsinə görə İsveçrə hökumətinə təşəkkür edib. Bu layihədən istifadə edib fermerlər istehsalı artırmaq istəyir.
Görüşdə İsmət Abasov kənd təsərrüfatı sahəsində əməkdaşlığın hüquqi bazasının formalaşdırılması, başqa rayonlarda məcburi köçkünlər və qaçqınlar üçün layihə həyata keçirilməsi, bitki və heyvanların mühafizəsi üzrə əməkdaşlıq təklif edib.
Kənd Təsərrüfatı Nazirliyi Azərbaycan Dövlət Aqrar Universitetinin tələbələrinin İsveçrə Konfederasiyasının müxtəlif fermer təsərrüfatlarında təcrübə keçmələri və aqrar yönümlü universitetlərində magistratura təhsili almaları imkanlarına baxılmasını, ekoloji təmiz kənd təsərrüfatı məhsullarının istehsalı sahəsində təcrübə mübadiləsini zəruri sayır. Azərbaycan İsveçrədən damazlıq südlük və ətlik istiqamətli malın satın alınıb gətirilməsi imkanlarına da baxır. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz