"Joint Leasing Company" QSC nizamnamə kapitalını 560 min manat və ya 80% artıraraq 1,26 mln manata çatdırır.
Kapitallaşma 3,5 min adi sənədsiz adlı səhmin nominalının 200 manatdan 360 manata artırılması hesabına olacaq.
Qiymətli Kağızlar üzrə Dövlət Komitəsi məlumat verir ki, səhm konvertasiyası prospekti çərşənbə günü dövlət qeydiyyatına alınıb.
Xatırladaq ki, bu il aprelin əvvəlində şirkətin nominalı 200 manat olan 3,5 min adi sənədsiz adlı səhmin emissiyası qeydiyyata alınıb. Yerləşdirmədən sonra Joint Leasing Company-nin nizamnamə kapitalı 1,4 milyon manata yüksələcək.
Joint Lizinq Company 14 iyun 2007-ci ildən Azərlizing-in hüquqi varisi kimi yaradılıb. Təsisçiləri Britaniyanın Dolphin Leasing (52,3%) şirkəti və Azərbaycan Beynəlxalq Bankıdır (47,6%). --15B--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz