Azərbaycan prezidenti ilə ВР prezidentinin görüşündən sonra yaranan suallar

Azərbaycan prezidenti İlham Əliyev dünən ВР Group prezidenti Robert Dadlini qəbul edib. 

Rəsmi məlumata görə, görüşdə qeyd edilib ki, Azərbaycanla BP arasında çoxillik uğurlu əməkdaşlıq var. Bu əməkdaşlıq strateji xarakter daşıyır. 

ВР Group prezidenti Robert Dadli “Azəri-Çıraq-Günəşli”də görülən işlər barədə məlumat verilib. Görüşdə qeyd edilib ki, “Şahdəniz”də uğurlu işlər aparılır. 

ВР rəhbərinin Bakıya son səfəri 17-18 dekabr 2012-ci ildə olub. O vaxt rəsmi məlumatda protokol ifadələrindən başqa heç nə yox idi. Amma Turan agentliyi aydınlaşdırdı ki, 16 dekabrda ARDNŞ ilə ВР arasında Cənubi Qafqaz qaz kəmərinin (Bakı-Tbilisi-Ərzurum) genişləndirilməsi ilə bağlı memorandum imzalanıb. Turan-ın əldə etdiyi məlumata görə, sənədə əsasən, yeni layihənin operatoru ARDNŞ olacaq (60%-lik nəzarət paketi). İndiki Cənubi Qafqaz qaz kəmərində operator ВР-dir (25,5%), ARDNŞ-nin 10%-i var.

Ehtimal ki, səfər BP-nin ARDNŞ ilə yeni sazişləri ilə bağlıdır. ВР uzun illərdir TANAP-a daxil olmasının hüquqi sənədləşməsini istəyir. ВР bu layihədə 12% almalıdır. Mümkündür ki, dövlət başçısı və ВР prezidenti Azərbaycan qazının Avropaya nəqli variantını da müzakirə edib. Bir aydır TAP və Nabucco-West son kommersiya təkliflərini verib. Ehtimal ki, artıq zəif müəyyən edilib. 

Cədvələ əsasən, "Şahdəniz" konsorsiumu 30 iyun 2013-cü ilə kimi Azərbaycan qazının Avropaya nəqli üzrə marşrutu seçməlidir. Amma ARDNŞ başçısı Rövnəq Abdullayev bəyan etmişdi ki, nəticələr mayda məlum olacaq. Ehtimal ki, boru kəməri seçimi mərasimi ya Avstriya, ya da İtaliyada olacaq. "Şahdəniz-2" qazı 2019-cu ildən bunlardan birinə nəql ediləcək. --12A--