Bloger Mehman Hüseynov Baş Prokurorluqda 4,5 saat dindirilib
Mayın 2-də Reportyorların Azadlıq və Təhlükəsizlik İnstitutunun (RATİ) əməkdaşı Mehman Hüseynov həbsdə olan NİDA fəallarının işi üzrə şahid kimi Baş Prokurorluğun Ağır Cinayətlər üzrə İstintaq İdarəsində 4,5 saat dindirilib.
O, hələ aprelin 30-da dindirməyə çağırılıb. Lakin dindirmə mayın 2-nə keçirilib.
Cümə axşamı M.Hüseynovu vəkil Elçin Sadıqov, RATİ-nin hüquqşünası Günay İsmayılova və blogerin qardaşı, RATİ-nin direktoru Emin Hüseynov müşayiət ediblər.
Lakin sonuncuya hüquqi nümayəndə qismində iştiraka icazə verilməyib. Bu, onunla izah edilib ki, E.Hüseynov da bu iş üzrə şahid qismində cəlb oluna bilər.
E.Hüseynovun sözlərinə görə, o, aprelin 30-da da M.Hüseynovu müşayiət edib. Lakin o zaman onun bu iş üzrə şahid kimi keçə biləcəyi barədə bir söz deyilməyib.
M.Hüseynov və vəkil E.Sadıqov dindirmənin məzmunu barədə şərh vermirlər, çünki istintaq sirrinin açıqlanmaması ilə bağlı onlardan iltizam alınıb.
Son iki ayda NİDA hərəkatının yeddi fəalı həbs olunub. Onlara qarşı qanunsuz partlayıcı maddələrin və narkotik vasitələrin saxlanması barədə ittiham irəli sürülüb. –06C--
-
- Siyasət
- 2 May 2013 19:05
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz