Azərbaycan yanvarın 13-dən etibarən texniki səbəblərdən Rusiyaya qaz nəqlini dayandırıb. Qaz nəqlinin nə vaxt bərpa ediləcəyi məlum deyil, bu barədə “Praym” agentliyinə “Qazprom” ASC-dən bildiriblər.
“Qaz nəqli yanvarın 13-də saat 10-da dayandırılıb. Onlar səbəbin texniki olduğunu bildiriblər, müddət məlum deyil”, deyə agentliyin həmsöhbəti bildirib.
Azərbaycan qaz nəqlini dayandırana qədər Rusiyaya gündə 3 milyon kubmetr qaz nəql edirdi.
İlkin qiymətləndirmələrə görə, 2013-cü ildə Azərbaycandan Rusiyaya təbii qaz nəqlinin həcmi 31,5% - 1,37 milyard kubmetrə qədər azalıb.
2009-cu ilin oktyabrında “Qazprom” və SOCAR Azərbaycan qazının alış-satış müqaviləsini imzalayıblar. Müqavilə üzrə qaz nəqlinə 1 yanvar 2010-cu ildə başlanılıb. 2012-ci ilin yanvar ayında “Qazprom” və SOCAR qüvvədə olan müqaviləyə əlavə imzalayıblar. -12D-
İqtisadiyyat
-
Azərbaycanın ADY Express şirkəti, "Azərbaycan Dəmir Yolları" QSC-nin törəmə müəssisəsi, Türkiyənin İstanbul şəhərində keçirilən Logitrans Türkiye 2024 sərgisi çərçivəsində Orta Dəhliz boyunca yükdaşıma xidmətlərinin genişləndirilməsi öhdəliyini təsdiqləyən bir sıra strateji sazişlər imzalayıb.
-
Azərbaycan qarşıdakı 4-5 il ərzində ümumi gücü 350 MVt olan ən müasir yaşıl enerji saxlama obyektləri yaratmağı planlaşdırır. Bu barədə Turan-a məlumatlı mənbə Energetika Nazirliyindən bildirib.
-
Xəzər qaz-kondensat "Abşeron" layihəsinin səhmdarları dekabr ayında tammiqyaslı inkişaf üçün əsas olan Front End Engineering Design (FEED) sənədini təsdiqləməyi planlaşdırırlar, bu barədə məlumatlı mənbə Turan-a bildirib.
-
2024-cü ildə Avropa Azərbaycandan təxminən 12,5 milyard kubmetr qaz alacaq və alıcı ölkələrin sayı 12-yə çatacaq. Cümə günü İstanbulda keçirilən enerji forumunda SOCAR-ın prezidenti Rövşən Nəcəf dekabr ayında 12-ci, yeni qaz alıcısı ilə əməkdaşlığın başlayacağını elan etdi.
Rəy yaz