Yanvarın 9-da Qubada MTN əməkdaşları tərəfindən saxlanılmış Vəfadar Məmmədov qanunsuz patron və trotil şaşkalar saxlamaqda ittiham olunur.
Ona və daha əvvəl həbs edilmiş iki dindara – onun qardaşı Vəfanur Məmmədova və sonuncunun bacanağı Nizami Nəcəfova qarşı Azərbaycan CM-in 228.2.1-ci (bir qrup şəxs tərəfindən qanunsuz silah və döyüş sursatı saxlama) maddəsi ilə ittiham irəli sürülüb.
Hər üç şəxs Bakıda MTN təcridxanasında saxlanılır. Bu barədə Turan-a saxlanılanların qohumu olan Qubalı hüquq müdafiəçisi Avtandil Məmmədov bildirib.
Hüquq müdafiəçisinin sözlərinə görə, Məmmədovların hüquqlarını dövlət tərəfindən təyin edilmiş vəkillər müdafiə edir. Həm də Vəfadarın vəkili əsassız olaraq Səbail rayon məhkəməsinin saxlanılanların 2 ay həbsi barədə qərarında apellyasiya şikayəti verilməsini gecikdirir.
“Vəfadar Məmmədov yanvarın 8-də Bakıdan Qubaya gəlib və gecə bizdə qalıb. Onu səhər evdən çıxıb atasının işi üzrə məhkəməyə gedərkən saxlayıblar.
Üzərində heç bir patron və trotil şaşkası yox idi. Onun qardaşının da, istintaqın iddia etdiyi kimi, qumbarası yox idi.
Vəfanurun etdiyi tək şey “odnoklassiniki” sosial şəbəkəsində digər saxlanılan şəxs – qaynı Nizami Nəcəfov haqqında yazmaq olub”, deyə Avtandil Məmmədov xatırladıb.
Hüquq müdafiəçisi həmçinin bildirib ki, MTN istintaq təcridxanasında etibarnamələri olmadığına istinad edərək, həbs edilmiş qardaşlar üçün ərzaq və geyim qəbul etməyiblər. -06B-
Cəmiyyət
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
Rəy yaz