![Azərbaycan Rusiyada ilk ticarət nümayəndəsini təyin etməyi planlaşdırır](https://turan.az/resized/./turan-750-500-resize.webp)
Azərbaycan Rusiyada ilk ticarət nümayəndəsini təyin etməyi planlaşdırır
Azərbaycan Rusiyada ilk ticarət nümayəndəsini təyin etməyi planlaşdırır: “Azərbaycanın ilk ticarət nümayəndəsini məhz Rusiyaya təyin etməsi tamamilə məntiqə uyğundur. Bununla yanaşı, Çin və Birləşmiş Ərəb Əmirliklərinə də ticarət nümayəndələrinin təyin olunması istisna deyil”. Bu barədə fevralın 2-də Azərbaycanda Amerika Ticarət Palatasının (“AmCham”) üzvləri ilə görüşdə iqtisadiyyat nazirinin müavini Sahil Babayev məlumat verib.
Sahil Babayev əlavə edib ki, ticarət nümayəndələri ticarət evləri ilə bərabər Azərbaycan istehsalı olan məhsulların təşviqi ilə məşğul olacaqlar. Ötən ilin sonunda Azərbaycana məhsul idxalı üzrə lider Rusiya olub və MDB ölkələri ilə olan ticarət dövriyyəsində mənfi saldonun böyük hissəsi məhz bu ölkənin payına düşür. Bu barədə AmCham-ın məlumatında bildirilir.
Nazir müavini qeyd edib ki, ixracın yalnız bir məhsuldan asılı olmamasını təmin etmək məqsədilə növbəti illərdə Azərbaycanın əsas prioriteti ixracatın diversifikasiyası olacaq.
Öz növbəsində tədbirdə çıxış edən Azərbaycanda “AmCham”ın icraçı direktoru Natəvan Məmmədova 2016-cı ildə görülmüş işlər və yaxın zamanda keçiriləcək tədbirlər barədə qonaqları məlumatlandırıb. Daha sonra Natəvan Məmmədova sözü öz şirkətlərinin portfoliosu və fəaliyyət istiqamətləri barədə danışan “Bakı Şəhər Halqası”, “McDermott Caspian” və “PmD Group” şirkətlərinin nümayəndələrinə verib.
Tədbir Azərbaycanda “AmCham”ın prezidenti İlqar Vəliyevin vida nitqi ilə başa çatıb. O, bütün “AmCham” üzvlərinə, heyətinə və Palatanın kollegiyasına 6 illik fəaliyyəti dövründə ona göstərdikləri dəstəyə görə minnətdarlığını bildirib.
Bu yaxınlarda prezidenti İlham Əliyev ölkənin xarici ölkələrdə fəaliyyət göstərən səfirlik və konsulluqlarında ticarət nümayəndələrinin təyin edilməsi haqqında fərman imzalayıb. Ticarət nümayəndələri xarici ölkələrdə Azərbaycanın və yerli ixracatçıların iqtisadi-ticarət maraqlarının daha dolğun qorunması və təmsil edilməsi üçün fəaliyyət göstərəcəklər.
-
- İqtisadiyyat
- 2 Fevral 2017 15:57
-
- Cəmiyyət
- 2 Fevral 2017 16:48
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz