“Araş Medikal” MMC ləğv edildiyini bildirib. Şirkət tibb avadnalığı və texnikası tədarükü ilə məşğul olurdu.
Satınalmalar üzrə Dövlət Agentliyinin məlumatına görə, ötən il şirkət Səhiyyə və Daxili İşlər nazirliklərinin sifarişi ilə 560,5 min manatlıq tibb avadnalığı, laboratoriya ləvazimatı və s. gətirib. 2012-ci ildə bu cür müqavilə həcmi 733 min manat olub.
2007-ci ildən fəaliyyət göstərən “Araş Medikal” MMC-nin «əkiz qardaşı» - “Arash Medical Company” onun işini davam etdirəcək. Hər iki şəxsi eyni şəxs – Cavid Əsədov təsis edib. Şirkətdə Turan-a deyiblər ki, şirkət təsisçinin qərarı ilə ləğv edilir.
İkinci şirkət 2011-ci ildə yaradılıb. 2012-ci ildə “Arash Medical Company” MMC-nin tədarük həcmi 2,7 mln manat olub.
2013-cü ildə 50 dünya şirkəti ilə distribütor və diler sazişi olan “Arash Medical Company” formal tenderlərlə Səhiyyə Nazirliyinin və onun strukturlarının eksklüziv tədarükçüsü olub. Sifariş həcmi 61 mln manat olub. Şirkət bir çox dövlət obyektlərini, o cümlədən Bakı Sağlamlıq Mərkəzini (8 mln manat), Cəlilabad (5 426 min manat), Ağcabədi (4 888 min manat), Yevlax (7 386 min manat), Lənkəran (4 120 min manat), Sumqayıt (4 039 min manat) xəstəxanalarını, Bakının bir sıra poliklinikalarını tibbi avadanlıqla təchiz edib. 08B
İqtisadiyyat
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
-
El & En memarlıq şirkəti Şəhərsalma və Memarlıq Komitəsindən ümumi dəyəri 805,593 manat olan bir neçə müqavilə alıb. Bundan əlavə, Ərazi Tikinti Planlaşdırma Mərkəzi də həmin özəl şirkətdən bir neçə yüz min manat dəyərində layihələr sifariş edib. Bu memarlıq layihələri azad olunmuş ərazilərdə və Azərbaycanın digər bölgələrində görüləcək işləri əhatə edir. Bu şirkətin həmtəsisçisi isə oğlu ilə birlikdə Şəhərsalma və Memarlıq üzrə Dövlət Komitəsinin nəzdindəki İctimai Şuranın rəhbəri və eyni zamanda Memarlar İttifaqının sədri olan Elbay Qasımzadədir.
Rəy yaz