2014-cü ildə dəniz nəqliyyatına 142,5 mln manat investisiya qoyulub. Bu, əvvəlki ildəkindən 14,7 dəfə çoxdur. Köhnə flotiliyanın bir hissəsi ləğv edilib.
Dövlətstatkomun məlumatına görə, ötən il «Azərbaycan Xəzər Dəniz Gəmiçiliyi»nin gəmilərinin sayı 82-dən 63-ə azalıb. Gəmilərin ümumi dedveyti 2015-ci ilin əvvəli üçün 378,6 min ton olub. Bu, 2013-cü ildəkindən 100 min ton azdır.
Dəniz nəqliyyatına investisiyalar 2013-cü ildən 582,3 mln manata çatıb. Son 4 ildə yük daşımaları həcmi 20,8% azalıb və 2014-cü ildə 10 mln ton olub.
2014-cü ildə XDG ziyanla işləyib. Bu tendensiya 2013-cü ildən başlayır. Yük və sərnişin daşınmasına 2014-cü ildə 119 mln manat xərclənib, 102,3 mln manat gəlir əldə edilib. 2013-cü ildə ziyan 10 mln manata çatıb.
Son iki ildə Azərbaycan Xəzər Dəniz Gəmiçiliyi»nin işçilərinin sayı 10 460-dan 8291 nəfərə azalıb. 2014-cü ildə dənizçilərin orta maaşı (777 mant) 3,4% artıb. -08B-
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz