Azərbaycan və Rusiya "Green Card" çərçivəsində razılığa gəlib

dünən Azərbaycan və Rusiya "Green Card" avtomobil sığortası sistemi üzrə ikitərəfli saziş imzalayıblar.

Bunu Rusiyanın "Green Card" Bürosunun icraçı direktoru Sergey Razuvan VII Azərbaycan Beynəlxalq Sığorta Forumunda deyib.
Onun sözlərinə görə, saziş 2016-cı il avqustun 1-dən qüvvəyə minəcək.

Xatırladaq ki, İcbari Sığorta Bürosunun icraçı direktoru Elxan Quliyev dünən bildirib ki, tərəflər Azərbaycanın işğal olunmuş ərazilərində polislərin tətbiq edilməməsi barədə razılığa gəliblər.

Məsələ Azərbaycanın ərazi bütövlüyü çərçivəsində həll edilib. İşğalçı ordu ərazidən çıxarılandan sonra Rsuiya sığortaçıları tammiqyaslı polis vemək imkanı əldə edəcək.

Green Card 1951-ci ildən fəaliyyət göstərir. Sazişə əsasən, üzv ölkələrin hər biri tərəfindən verilmiş avtonəqliyyat vasitəsi sahiblərinin mülki məsuliyyətinin sığorta şəhadətnaməsi həmin sazişin iştirakçısı olan digər dövlətlərin ərazisində etibarlı sayılır. Bu sistemə 48 ölkə daxildir: Avropa ölkələri, İsrail, Mərakeş, Tunis və İran.

Azərbaycanı Green Card-da İcbari Sığorta Bürosu (İSB) təmsil edir. Onun üzvü olan 16 şirkətin 13-ü AVSMMİS polisi sata bilir və Green Card sisteminə qoşulub. --17D—