Qiymətli Kağızlar üzrə Dövlət Komitəsi “AzFinance Asset Management” Məhdud Məsuliyyətli Cəmiyyətinə aktivlərin idarə edilməsi fəaliyyəti məşğul olmaq üçün xüsusi razılıq verib.
Şirkətin nizamnamə kapitalı 150 000 manatdır. O, bu il mayın 20-də Vergilər Nazirliyində qeydiyyata alınıb. Şirkətdə Turan-a deyiblər ki, yeganə təsisçisi “AzFinance İnvest” MMC-dir.
Xayırladaq ki, “AzFinance İnvest” MMC bu il yanvarın 30-da başqa adla (“Gilan Capital”) 1000 manat nizamnamə kapitalı ilə qeydiyyata alınmışdı. Şirkətdə deyiblər ki, MMC “Gilan Holding”in törəməsi deyil.
“AzFinance Asset Management”in direktoru Abid Məmmədov Turan-a deyib ki, şirkətin ilk addımları barədə iyulun sonunda danışmaq olar.
QKDK aprelin 7-də “Azfinance İnvest” MMC-yə QK bazarında broker və diler fəaliyyəti üçün lisenziya verib.
“AzFinance Asset Management” ölkədə ikinci şirkətdir ki, QK bazarında aktivlərin idarə edilməsi ilə məşğul olmaq istəyir. Lisenziya 5 illik, dövlət rüsumu 5 500 manatdır.
2013-cü ilin avqustunda "İnvest Az Asset Management" (nizamnamə kapitalı 125 min manat) belə lisenziya alıb. Şirkət hələlik fəaliyyəti barədə informasiay açıqlamır. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz