Azərbaycanda bələdiyyələrin yalnız üçdə bir hissəsinin dəqiq sərhəddi var

Azərbaycanda bələdiyyələrin 16 illik iş təcrübəsinin olmasına baxmayaraq, onların yalnız üçdə bir hissəsinin (1607-dən 578-in) müəyyən olunmuş sərhəddi   var.

Dövlət Əmlak Məsələləri Komitəsinin sədr müavini Rafiq Cəlilov jurnalistlərə bildirib ki, 150 özünüidarəetmə orqanı ilə bağlı sənədlər ölkə parlamentinə təqdim edilib, təkcə sərhədləri deyil, həm də sahələrin kateroqoriyasını müəyyən edən torpaq kadastrının uçotu  üzrə işlər isə davam etdirilir.

Öz növbəsində Ədliyyə Nazirliyi yanında Bələdiyyələrlə İş Mərkəzinin rəhbəri Mehdi Səlimzadə gileylənib ki, mövcud strukturların əksəriyyətinin özünün inzibati binası yoxdur. Bunun səbəbi odur ki, onların bir hissəsi gəlir əldə etmək üçün tikililəri satıblar. “Biz bundan öncə bələdiyyələrin əmlak və torpaq hüquqlarının təsdiqlənməsinə dair təklif və tövsiyələrlə Dövlət Torpaq və Xəritəçəkmə Komitəsinə müraciət etmişdik, lakin problem hələ də həllini tapmayıb. Belə vəziyyət yerli özünüidarəetmə orqanları üçün problem yaradır, çünki satış və vergi yığımı bələdiyyə gəlirlərinin əsas mənbəyidir”, - o vurğulayıb.17D—