Azərbaycanda genetik modifikasiya olunmuş bitkilərin təhlükəsi araşdırılacaq
Nazirlər Kabineti dekabrın 11-də genetik modifikasiya olunmuş bitkilərin təhlükəliliyinin müəyyən edilməsi qaydalarını hazırlayıb.
GMOB-in tədqiqat istiqamətlərini müəyyən etmək məqsədi ilə Elmi-Texniki Şura yanında Ekspert Şurası (EŞ) yaradılır. Buraya Kənd Təsərrüfatı Nazirliyinin, Azərbaycan Respublikası Ekologiya və Təbii Sərvətlər Nazirliyinin, Azərbaycan Respublikası Səhiyyə Nazirliyinin və Azərbaycan Respublikası Standartlaşdırma, Metrologiya və Patent üzrə Dövlət Komitəsinin təmsilçiləri daxil olur və müvafiq tədqiqatlar barədə rəy verirlər. Ölkə ərazisində GMOB aşkarlananda EŞ yanında yüksəkixtisaslı alim və mütəxəssislərdən ibarət tədqiqat qrupu yaradılır.
Azərbaycan Milli Elmlər Akademiyasının Rəyasət Heyəti bu qrupun iş planını təsdiq edir. Tədqiqatlarda məqsəd GMOB-nin əkildiyi ərazilərin yaxınlığında becərilən mədəni bitkilərə, onun məhsulları ilə yemlənən kənd təsərrüfatı heyvanlarına və bal arılarına, bu ərazilərdə məskunlaşan vəhşi heyvanlara və həşəratlara, onların məhsullarının istifadəsinin insanlara təsirinin öyrənilməsidir.
Azad İstehlakçılar Birliyinin sədri Eyyub Hüseynov hökumətin bu qərarını alqışlayır. Eyni zamanda, qeyd edir ki, onun həyata keçməsinin səmərəsi az olacaq. «2004-cü ildə Azərbaycan biomüxtəlifliyin qorunması haqqında Karfagen protokoluna qoşulub. Amma istehlak bazarının təhlili və fermerlərlə ünsiyyət göstərir ki, ölkədə GMOB-dən geniş istifadə edilir», deyə o bildirib. 2012-ci ilin iyulunda Azərbaycanda «Mədəni bitkilərin genetik ehtiyatlarının mühafizəsi və səmərəli istifadəsi haqqında” qanun qəbul edilib. 08D
-
- İqtisadiyyat
- 14 Dekabr 2012 14:01
-
- İqtisadiyyat
- 14 Dekabr 2012 14:09
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz