Açiq mənbələrdən foto.
Azərbaycanda ilk dəfə "Rebuild Karabakh 2021" sərgisi keçiriləcək
Bakı/28.07.21/Turan: Oktyabrın 20-22-də Bakıda 1-ci Azərbaycan "Qarabağın Bərpa, Yenidənqurma və İnkişafı" (Rebuild Karabakh 2021) sərgisinin keçirilməsi planlaşdırılır.
Bu barədə sərginin təşkilatçısı olan “Caspian Event Organisers” şirkəti məlumat yayıb.
Məlumatda deyilir ki, sərginin məqsədi müxtəlif ölkələrdən olan şirkətlərin Qarabağ bölgəsinin sürətli bərpasına töhfə verə biləcək unikal təcrübə, innovativ həll variantları və investisiya təkliflərini bir platformada nümayiş etdirməkdir. Sərgi həmçinin şirkətlərin və dövlət qurumlarının nümayəndələri arasında dialoq üçün ünsiyyət platforması yaradacaq.
“Prezident çıxışlarında dəfələrlə qeyd edib ki, Qarabağ bölgəsinin inkişafı ölkə üçün prioritet vəzifədir. Bu baxımdan, Qarabağın zəngin təbii ehtiyatlarını və iqtisadi potensialını nəzərə alaraq, “Rebuild Karabakh 2021” sərgisi geniş iqtisadi fəaliyyət sahələrini əhatə etməyi planlaşdırır və aşağıdakı sektorları təmsil edən şirkətləri sərgidə iştiraka dəvət edir: Banklar və investisiyalar, Təhlükəsizlik, Hasilat sənayesi, Səhiyyə, İnformasiya texnologiyalar, Təhsil, Qida sənayesi, Kənd təsərrüfatı, İnşaat, Yol tikintisi və infrastruktur, Nəqliyyat, Turizm və mədəni irs, Energetika və Ekologiya.
Sərgidə təqdim ediləcək müxtəlif sektorlar tədbiri xüsusən əlamətdar edir və Qarabağda birgə layihələrin həyata keçirilməsi üçün müxtəlif sənaye sahələrinin nümayəndələri arasında yeni müqavilələrin bağlanmasına imkan yaradır”, - deyə məlumatda qeyd olunub.
Sərginin keçiriləcəyi 3 gün ərzində iştirakçıları və qonaqları əlavə tədbirləri ehtiva edən maraqlı proqram gözləyir.
Sərgi Qarabağ Dirçəliş Fondu, İqtisadiyyat Nazirliyi yanında Kiçik və Orta Biznesin İnkişafı Agentliyi (KOBİA), Azərbaycanda İxracın və İnvestisiyaların Təşviqi Fondunun (AZPROMO) dəstəyi ilə keçirilir.—0—
İqtisadiyyat
-
Nazirlər Kabineti Dövlət Turizm Agentliyinin tabeliyində olan "Turizm və Rekreasiya Zonalarının İdarə Edilməsi və İnkişafı Mərkəzi" publik hüquqi şəxsin nizamnaməsini təsdiq edib. 4 noyabr tarixində qəbul edilmiş bu qərar, 2 avqust 2024-cü il tarixli prezident fərmanında göstərilən tələblərin yerinə yetirilməsini nəzərdə tutur.
-
Azərbaycanın Sumqayıt şəhərində içməli su istehsal edən yeni bir duzsuzlaşdırma zavodunun tikintisi planlaşdırılır. Bu layihə Bakı və Abşeron yarımadasında artan su tələbatını qarşılamağı hədəfləyir. Layihənin təqdimatı noyabrın 5-də zavodun tikintisi üzrə keçirilmiş tender üçün təkliflərin açılış mərasimində baş tutub. Bu barədə "Turan" agentliyi məlumat yayıb.
-
Heydər Əliyev Beynəlxalq Aeroportu Bakını 30-dan çox ölkədə 80-dən çox beynəlxalq istiqamətlə birləşdirir və Azərbaycan üçün mühüm tranzit qovşağı kimi rolunu gücləndirib. London, Paris və Roma kimi Avropanın böyük şəhərlərini, eləcə də Yaxın Şərq, Mərkəzi və Cənubi Asiyanın strateji nöqtələrini birləşdirən marşrutları ilə hava limanı Azərbaycanda turizmin və tranzitin genişlənməsinin mərkəzinə çevrilib.
-
Azərbaycanın energetika naziri Pərviz Şahbazov 6 noyabr 2024-cü il tarixində Romada keçiriləcək ilk Dünya Termoyader Enerji Qrupunun (WFEG) nazirlər görüşündə iştirak etmək üçün İtaliyaya gedib. Tədbirə İtaliyanın Baş Naziri Corcia Meloni və Beynəlxalq Atom Enerjisi Agentliyinin (IAEA) Baş direktoru Rafael Mariano Qrossi həmsədrliy edəcək.
Rəy yaz