Açiq mənbələrdən foto.
Azərbaycanda Kibertəhlükəsizlik Mərkəzi yaradılıb
Bakı/29.03.23/Turan: “PAŞA Holding” Şirkətlər Qrupunun dəstəyi ilə Azərbaycan Respublikasının Rəqəmsal İnkişaf və Nəqliyyat Nazirliyi İsrailin “Technion” İnstitutu ilə birgə Azərbaycan Kibertəhlükəsizlik Mərkəzini təsis edib.
Ölkənin kibertəhlükəsizlik imkanlarını gücləndirmək məqsədilə yaradılan mərkəz bu sahədə yüksək ixtisaslı mütəxəssis və təlimçilərin yetişdirilməsində tədris müəssisəsi rolunu oynayacaq, deyə nazirliyin açıqlamasında bildirilir. Azərbaycan Kibertəhlükəsizlik Mərkəzində 3 il ərzində 1000-dən çox şəxsə təlim verilməsi hədəflənir. Eyni zamanda, mərkəzdə 15 təlimçinin hazırlanması sayəsində gələcəkdə ölkəmizdə kibertəhlükəsizlik sahəsində mütəxəssislər yetişdirmək nəzərdə tutulur.
Mərkəzdə ən müasir texnologiya və avadanlıqlarla təchiz olunmuş sinif otaqları, təlim otaqları, simulyasiya otaqları və laboratoriyalar yaradılıb.
Mərkəz rəsmi açılışı martın 28-də baş verib. Mərasimdə Dövlət Təhlükəsizliyi Xidmətinin rəisi Əli Nağıyev, rəqəmsal inkişaf və nəqliyyat naziri Rəşad Nəbiyev, İsrailin keçmiş xarici işlər naziri, “Technion”un səfiri Qabi Aşkenazi, “Technion” İnstitutunun icraçı vitse-prezidenti və baş direktoru Boaz Qolani, İsrail səfirliyinin nümayəndələri və digər qurumların rəsmiləri iştirak ediblər.
Azərbaycan Kibertəhlükəsizlik Mərkəzində dərslərə artıq start verilib. 2000 nəfərin müraciət etdiyi seçimlərdə imtahan və müsahibə mərhələlərindən uğurla keçən 60 nəfər dərslərə cəlb olunub. Tədris müddətində ixtisaslaşmış kadr hazırlığı, məlumatlandırma təlimləri, yüksək vəzifəli kibertəhlükəsizlik mütəxəssislərinin ixtisas artırması üzrə təlimlər, kibertəhlükəsizlik məhsullarının araşdırılması və məhsul hazırlığı olmaqla 4 istiqamətdə təlimlər keçiriləcək. “Technion” İnstitutunun təlim proqramına əsasən keçiriləcək təlimlərdə nəzəri və praktiki biliklər öyrədiləcək. 08D
İqtisadiyyat
-
Azərbaycana idxalda Çin liderlik edir. Dövlət Statistika Komitəsinin (DSK) məlumatına görə, bu ilin yanvar-fevral aylarında Azərbaycanın hüquqi və fiziki şəxsləri 84 ölkəyə məhsul ixrac edib, 134 ölkədən idxal həyata keçiriblər. Xarici ticarət dövriyyəsi 6 milyard 428.2 milyon ABŞ dolları olub. Onun 2 milyard 651 milyon dollarını (31.7 faiz) idxal təşkil edib.
-
Mayın 3-də Azərbaycan və Səudiyyə Ərəbistanı enerji tərəfdaşlığının gücləndirilməsində mühüm addım olan bərpa olunan enerji və iqlim dəyişikliyi təşəbbüsləri üzrə birgə səylərin genişləndirilməsinə yönəlmiş əsas sənədlər imzaladılar.
-
Sosial-İqtisadi Transformasiya İnstitutu (ISET), CASE analitik mərkəzi və İqtisadi Ekspertiza Platforması tərəfindən aparılan son araşdırma nəticəsində məlum olub ki, Azərbaycan Respublikası Dövlət Neft Şirkəti (SOCAR) ötən il Ukraynada vergi ödəyən yanacaqdoldurma məntəqələri siyahısında birinci yerdədir. “tsn.ua” xəbər verir ki, araşdırmaya əsasən, 2023-cü ildə SOCAR üç rübdə yanacaq vergisini, iki rübdə isə əmək haqqı vergisini ödəmək üzrə lider olub.
-
Azərbaycan Respublikası Dövlət Neft Şirkətinin (SOCAR) prezidenti Rövşən Nəcəf mayın 2-də Ukraynanın “Naftoqaz” şirkətinin baş direktoru Aleksey Çernışov ilə görüşüb və neft-qaz sənayesində əməkdaşlığın genişləndirilməsi məsələlərini müzakirə edib. SOCAR-ın bəyanatına görə, müzakirələrdə Azərbaycan qazının Ukraynada saxlanması imkanları müzakirə edilib və daha geniş enerji məsələləri, o cümlədən enerjiyə keçid və karbonsizləşdirmə məsələləri müzakirə olunub.
Rəy yaz