Azərbaycanda Polşa istehsalı olan patrul gəmisi hərracda satılır
Əmlak Məsələləri Dövlət Xidməti dekabrın 21-də hərrac keçirəcək, bu auksionda Polşa istehsalı olan B-98 layihəli “Vixr” tipli sahil patrul gəmisinin ilk cəhddə satışı planlaşdırılır.
Qurum 1986-cı ildə tikilmiş gəmini 1,8 mln manat ($1 mln 58,8 min) qiymətləndirib https://emlak.gov.az/az/news/view/8379-21-dekabr-2023-c%C3%BC-il-tarixind%C9%99-h%C9%99rraca-%C3%A7%C4%B1xar%C4%B1lan-n%C9%99qliyyat-vasit%C9%99l%C9%99rinin-siyah%C4%B1s%C4%B1 ƏMDX-nin məlumatına görə http://privatization.az/index.php/az/sas-s-hif/2016-05-24-10-18-36/naezhliyyat-vasitaelaeri/16-menyu-az/9184-b-98-layihaeli-vikhr-tipli-zhaemi, Azərbaycan Dövlət Sərhəd Xidməti bütün istismar müddəti ərzində gəmidə modernləşdirmə və əsaslı təmir işləri aparmayıb. Gəminin cari təmiri 2012-ci ildə, zavod təmiri 2017-ci ildə aparılıb.
Bildirilir ki, 2018-ci ildə gəmidə baş vermiş yanğın nəticəsində baş mühərriklərin və 1 nömrəli dizel generatorun idarəetmə sisteminin elektrik xətləri istismara yararsız hala düşüb. Lakin “Turan” İnformasiya Agentliyi internetdə bu iddianı təsdiqləyən məlumat tapa bilməyib. “Gəminin daxili elektrik lövhə və xətlərinin 50 %-i istismara yararsızdır. Yanğının söndürülməsi zamanı istifadə olunan dəniz suyunun təsiri nəticəsində mərkəzi idarəetmə postunda yerləşən avtomatika-idarəetmə elektrik lövhələri və xətləri sıradan çıxıb. Gəminin göyərtə metalının 70%-dək sahəsinin yenilənməsinə zərurət var”, - auksion təşkilatçısı bildirib.
Dövlət Sərhəd Xidməti də öz növbəsində gəminin orta/əsaslı və ya dok təmirinin aparılmasının iqtisadi cəhətdən məqsədəuyğun olmadığı qənaətinə gəlib. Burada hesablanıb ki, hətta təmir zamanı da ondan səmərəli istifadə əmsalı çox aşağı olacaq.
İqtisadiyyat
-
Azərbaycanın iqtisadiyyat naziri Mikayıl Cabbarov Davosda keçirilən Dünya İqtisadi Forumu (DİF) çərçivəsində “Liderlər Dairəsi: Enerji Keçidinin Maliyyələşdirilməsi - Yeni Üfüq” sessiyasında iştirak edərək ölkənin qlobal enerji təhlükəsizliyindəki strateji rolunu və yaşıl enerji keçidi təşəbbüslərini vurğulayıb.
-
Gürcüstanın Batumi şəhərində Azərbaycan dövlət neft şirkəti SOCAR-ın təxminən 200 işçisi maaşlarının artırılması tələbi ilə yanvarın 21-də tətil keçiriblər. Yerli Batumelebi nəşrinin məlumatına görə, tətilə müxtəlif bölmələrdən texniklər və işçilər qoşulub. Onlar uzun illərdir ki, iş həcmlərinə uyğun olmayan minimal maaş aldıqlarını bildiriblər.
-
21 yanvar tarixində Davosda keçirilən görüşdə Azərbaycan Prezidenti İlham Əliyev Carlsberg Group-un Müşahidə Şurasının sədri Henrik Poulsen və şirkətin baş icraçı direktoru Yakob Aarup-Andersen ilə görüşüb. Müzakirələr zamanı Carlsberg Group-un Azərbaycandakı fəaliyyətini genişləndirməsi və yerli istehsalın, həmçinin dayanıqlılığın inkişafına sadiqliyi vurğulanıb.
-
2024-cü ildə Azərbaycanın "Vahid Pəncərə" İxrac Dəstəyi Mərkəzi müəssisə və fiziki şəxslərdən 1,747 sorğu qəbul edərək 3,982 ixrac sertifikatının verilməsini təmin edib. İqtisadi İslahatların Təhlili və Kommunikasiyası Mərkəzinin icraçı direktoru Vüsal Qasımlının sözlərinə görə, bu səylər 288,2 milyon ABŞ dolları dəyərində ixrac əməliyyatlarını dəstəkləyib.
Rəy yaz