- İqtisadiyyat
- 21 Yanvar 2013, 11:39
- 77
Azərbaycanda qeyri-leqal mobil telefon bazarı çiçəklənir
Daşınması rahat olan mobil telefonlar Azərbaycan turistlərinin qaçaqmalçılıq predmeti olur. Bu il yanvarın əvvəlində gömrükçülər bir vətəndaşdan 299 iPhone müsadirə edib.
Dövlət Gömrük Komitəsinin məlumatına görə, 2012-ci ildə vətəndaşlardan 13 322 mobil telefon müsadirə edilib. Bu, böyük göstəricidir. Nəzərə alaq ki, həmin ilin 9 ayında leqal şəkildə ölkəyə 114 277 mobil telefon gətirilib. Bir telefon gömrükdə $48,9 qiymətə bəyan edilib.
DGK-nın 2011-ci il tarixli “Fiziki şəxslər tərəfindən istehsal və kommersiya məqsədləri üçün nəzərdə tutulmayan malların Azərbaycan Respublikasının gömrük sərhədindən sadələşdirilmiş və güzəştli qaydada keçirilməsinə dair” təlimatına əsasən, fiziki şəxs Azərbaycan Respublikasının gömrük sərhədini keçməklə ümumi dəyəri 1000 ABŞ dollarına ekvivalent və ya çəkisi 50 kiloqramdan artıq olmayan malları gətirdikdə (apardıqda) gömrük vergisi və rüsumundan azad edilir. Amma bu malların kommersiya məqsədi üçün gətirilməsi müəyyən edildikdə gömrük ödənişi edilir.
Aparıcı mobil telefon markalarının Azərbaycanda eksklüziv distribütoru var. 2009-cu ildə ölkəyə rəsmən birinin qiyməti $53,4 olmaqla 173 662 mobil telefon gətirilib. 2010-cu ildə orta qiyməti $66,2 olmaqla 107 818 mobil telefon idxal olunub.
Gömrüyün bu məlumatı ciddi şübhə yaradır. Məsələn, 2012-ci ildə abonentlərin sayı 1,09 mln artaraq 10,12 mln nömrəyə çatıb. Nəzərə alsaq ki, bu, bir istifadəçinin ikinci və üçüncü nömrəsidir, ölkəyə gətirilən mobil telefon sayı 300-400 min olmalıdır. Beləliklə, belə çıxır ki, gömrük “məkikçilərlə” mübarizə apararaq iri qeyri-leqal mobil telefon və aksessuarı idxalçılarının yolunu təmizləyir. Bu praktika Azərbaycanda mobil rabitə tətbiq ediləndən saxlanılır.. –0— --08B—
-
- İqtisadiyyat
- 21 Yanvar 2013 11:21
-
- Cəmiyyət
- 21 Yanvar 2013 11:47
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz