"Azərenerji" Bakıda iri istilik elektrik stansiyası tikəcək

Bu il Bakıda daha bir İES tikintisinə başlamaq planlaşdırılır. 

2013-cü ildə "Azərenerji" Bakıda yeni modul elektrik stansiyası tikəcək. O, Böyük Şorda olacaq.

Tikinti ilə Finlandiyanın Wаrtsilа şirkəti məşğul olacaq. O, 2005-ci ildən Azərbaycanda ümumi gücü 858 MVt olan 7 modul elektrik stansiyası tikib. 

Bu, modul elektrik stansiyasıyaları arasında ən güclüsü olacaq - 21 blokda 384 MVt elektrik enerjisi istehsal ediləcək. 

Sual yaranır: Bakıda buna ehtiyac vardımı? Axı bir neçə həftə sonra Şirvanda 780 MVt  gücündə “Cənub” İES  istifadəyə veriləcək. Onun enerjisinin bir hissəsi paytaxta veriləcək. Bundan başqa, ötən ilin dekabrında Balaxanıda "Təmiz şəhər" layihəsi işə salındı və orada zibil yandırılmasından 231 MVt elektrik enerjisi əldə ediləcək. 

Bir il sonra Şüvəlan qəsəbəsində 400 MVt gücündə "Şimal-2" istismara veriləcək. O, eyni gücdə olub 2001-ci ildə tikilən İES ilə yanaşıdır. 2011-ci ilin noyabrında Sumqayıtda 525 MVt gücündə stansiya işə salınıb. Bakıda 105 MVt gücündə bir İES var.

Artqı "Azərenerji" müəssisələrinin gücü ölkənin ehtiyacından 1500-1600 MVt çoxdur. Ona görə yeni iri İES tikintisinə səbəb nədir?

Yaxın aylarda Böyük Şor gölü ətrafında iri idman qurğuları tikmək planlaşdırılır. Onların biri 60-minlik "Millenium" stadionudur. I Avropa Olimpiya oyunlarını orada keçirmək planlaşdırılır. Bütün bu obyektlər 2015-ci ilin iyununa hazır olmalıdır. Onların elektrik enerjisi ilə fasiləsiz təminatı hakimiyyəti bu addıma vadar edib. Azərbaycanda indiyəcən elektrik enerjisi nəqlində problemlər, hətta FH (məsələn, metroda enerjinin kəsilməsi - red) olur. 

Wartsila-nın Azərbaycanda tikdiyi modul elektrik stansiyaları 

Adı Gücü MVt

Astara 87

Şəki 87

Xaçmaz 87

Naxçıvan 87

Səngəçal 300

Şahdağ 105

Quba 105

Qeyd edək ki, Finlandiya şirkəti Azərbaycanda bütün layihələri tendersiz alır. --12В--