Azərbaycanın dövlət büdcəsinin gəlirlərinin yarıdan çoxu Neft Fondundan transfertlər olacaq
2014-cü ildə Azərbaycanın dövlət büdcəsi 18 mlrd 384 mln manat proqnozlaşdırılır. Bunun yarıdan çoxu (50,8% və ya 9 mlrd 337 mln manat) Neft Fondundan transfertlər olacaq.
2014-cü ilin büdcəsi parlament komitəsində müzakirə edilən zaman maliyyə naziri Samir Şərifov deyib ki, Vergilər Nazirliyinin xətti ilə mədaxil 7 mlrd 102 mln manat təşkil edəcək. Gömrük Komitəsi büdcəyə 1 mlrd 510 mln manat təmin edəcək.
Onun sözlərinə görə, Vergilər Nazirliyinin bu rəqəmi artırmaq imkanı var.
Gələn il büdcə xərcləri 20 mlrd 63 mln manat proqnozlaşdırılır. Onların strukturunda cari xərclər 10 mlrd 881 mln manat və ya bütün xərclərin 54,2%-i qədər olacaq. Kapital xərcləri 8 mlrd 401 mln manat və ya 41,9%, daxili və xarici borclara xidmət 781 mln manat və ya 3,9% təşkil edəcək.
Nazirin sözlərinə görə, gələn dövlət kapital qoyuluşu 6 mlrd 260 mln manat proqnozlaşdırılır.
Büdcə 1 mlrd 679 mln manat və ya ÜDM-in 2,87%-i qədər kəsirli olacaq. --17D—
İqtisadiyyat
-
Azərbaycan hökuməti sənaye və kənd təsərrüfatı zonalarına investisiyaları cəlb etmək səylərini artırır. 2023-cü ildə İqtisadi Zonaların İnkişafı Agentliyi (İZİA) 31 yeni sahibkarlıq subyektinə rezident statusu, bir sahibkara isə qeyri-rezident statusu verib. Bu, ölkənin post-münaqişə bölgələrində və digər ərazilərində iqtisadi inkişafı sürətləndirmək istiqamətində yeni mərhələ hesab olunur.
-
Azərbaycan Dövlət Neft Şirkəti (SOCAR) beynəlxalq miqyasda üst axın (upstream) əməliyyatlarını genişləndirərək, qlobal portfelində strateji dəyişiklik həyata keçirir. Şirkətin İsrailin Tamar qaz yatağında 10%-lik və Abu-Dabidəki SARB və Umm Lulu dəniz neft layihələrində 3%-lik pay əldə etməsi, SOCAR-ın Azərbaycan sərhədlərindən kənardakı ambisiyalarının artdığını göstərir.
-
BP 2025-ci ildə Azəri-Çıraq-Günəşli (AÇG) yatağında 19 quyu qazmağı planlaşdırır və bununla da 2024-cü ildəki qazma fəaliyyətini eyni səviyyədə saxlayacaq. Bu barədə çərşənbə axşamı şirkətin yüksək vəzifəli nümayəndəsi məlumat verib.
-
Beynəlxalq Buruqçular Podratçılar Assosiasiyası (IADC) çərşənbə axşamı Bakıda illik "IADC Drilling Caspian" konfransına start verdi. Sənaye liderlərini bir araya gətirən tədbir neft və qaz yataqlarının qazılması sahəsində yeniliklər, eləcə də geotermal enerjinin artan rolu mövzusunda müzakirələrə həsr olunub.
Rəy yaz