Azərbaycanla Qazaxıstan ikitərəfli münasibətləri, o cümlədən enerji əməkdaşlığını artırmaq istəyir. Bu barədə jurnalistlərə energetika naziri Natiq Əliyev Bakıda keçirilmiş iqtisadi əməkdaşlıq üzrə Azərbaycan-Qazaxıstan hökumətlərarası komissiyasının iclasının yekunları üzrə bildirib.
"Biz, demək olar, bütün sahələri əhatə edən əməkdaşlığın inkişafını müzakirə etdik. Ölkələrimiz arasında iqtisadi və ticari əlaqələr artım nümayiş etdirir, belə ki, illik hesabatda əmtəə dövriyyəsi 42 faiz artıb. Halbuki ötən il mənfi dinamika qeydə alınıb. Buna səbəb qlobal iqtisadi böhranın fəsadları olub", deyə o bildirib.
Nazirin sözlərinə görə, enerji iki ölkə arasında əməkdaşlığın vacib istiqamətlərindən biridir.
"Məlum olduğu kimi, Qazaxıstan nefti Bakı-Tbilisi-Ceyhan (BTC) boru kəməri üzrə göndərilir. İki ölkənin dövlət başçıları qarşılıqlı uyğunlaşdırılmış enerji siyasəti aparır. Xəzər regionunda heç bir enerji layihəsi ölkələrimizin iştirakı olmadan həyata keçirilmir. Biz enerji sahəsində qarşılıqlı fəaliyyətin inkişafı üzərində fəal iş aparırıq. Azərbaycan Qazaxıstanın iri "Kaşağan" yatağının istismara verilməsini səbirsizliklə gözləyir. Həmin yataqdan hasil ediləcək məhsulu BTC və Azərbaycanın digər boru kəmərləri vasitəsilə dünya bazarlarına çıxartmaq mümkün olacaq", - deyə Əliyev bildirib.—0--
İqtisadiyyat
-
Türkiyə ABŞ-la Rusiya Gazprombankına tətbiq olunan sanksiyalardan azad olunmaq üçün danışıqlar aparır. Bu, Rusiya ilə qaz ödənişlərini davam etdirmək məqsədilə edilir, deyə Türkiyənin enerji naziri Alparslan Bayraktar çərşənbə axşamı bildirib.
-
Qazaxıstan öz neft ixracı infrastrukturunu transformasiya etmək üçün iddialı bir kurs seçib. Bu strategiya illik daşınmaların Bakı-Tbilisi-Ceyhan (BTC) boru xətti vasitəsilə 1,5 milyon tondan 20 milyon tona qədər artırılmasını nəzərdə tutur. Qazaxıstanın enerji naziri Almasadam Satkalıyev tərəfindən parlament iclasında təqdim edilən bu cəsur strategiya, ölkənin Mərkəzi Asiyadan Avropaya uzanan enerji təchizatı zəncirində əsas oyunçulardan birinə çevrilmək niyyətini vurğulayır.
-
BP-nin Azərbaycan, Gürcüstan və Türkiyə (AGT) regionu üzrə bölməsinə iki yeni vitse-prezident təyin olunub, BP-Azərbaycanın mətbuat açıqlamasında bildirilir.
-
2024-cü ilin yanvar-oktyabr dövründə Azərbaycanın neft ixracatı ilə bağlı məlumatlar, ötən ilin eyni dövrü ilə müqayisədə həm həcmin, həm də dəyərin əhəmiyyətli dərəcədə azaldığını göstərir və neftdən asılı olan iqtisadiyyatın üzləşdiyi problemləri vurğulayır. Ölkə 495 484,05 ton neft məhsulu ixrac edib və bunun dəyəri 309,02 milyon ABŞ dolları təşkil edib ki, bu da 2023-cü illə müqayisədə dəyər baxımından 40,3%, həcm baxımından isə 40,7% azalma deməkdir. 2023-cü ildə ixracat 925 225,07 ton təşkil edərək 572,21 milyon ABŞ dollarına çatmışdı.
Rəy yaz