Azərbaycanlılar bahalı saatlara yaxşı pul xərcləyir

Bu ilin I yarısında Azərbaycana kommersiya məqsədi ilə qızıl və başqa qiymətli metallardan korpusu olan 39 ədəd qol və ya cib saatı idxal edilib. gətirilib. Bəyannamələrə əsasən, onların birinin orta qiyməti $6800-dır. Qızıl korpuslu 5 İsevçrə qol saatı gömrükdə $13 460-dan bəyan edilib. Amma Bakı dünyanın ən bahalı şəhərlərindəndir və satışda $50 mindən bahalı saatlar var. Statistikaya əsəsən, 6 ayda ölkəyə leqal şəkildə ümumi qiyməti $3 mln olan 18 200 qol ssatı (biri $169,7) gətirilib. Metro stansiyaları və gur küçələrdə 3 manatlıq ssatlar da satılır.

Statistikaya görə, daha çox qol saatı İsveçrədən gətirilir. İlin əvvəlindən distribütor və fiziki şəxslər bu ölkədən 8 min saat gətirib. Onların orta bəyannamə qiyməti $300-dır. İsveçrədən əsasən mexaniki saatlar (6236 ədəd) gətirlir. Onlar orta hesabla biri $145-a bəyan edilib.   

Çin istehsalı qol saatlarının biri gömrükdə orta hesabla $42,4-a bəyan edilib.   

İlin I yarısında Çindən rəsmən Azərbaycana $176 minlik 3787 ədəd saat gətirilib.

Fransa saatları daha bahadır: bu ölkədən gətirilən 307 saatın hər biri gömrükdə $403-a bəyan edilib. Britaniya və İtaliyadan qol saatı idxalı cüzidir.

2013-cü ildə Azərbaycana gömrük rüsumu ödənilməklə 48 576 ədəd qol və cib saatı gətirilib. Onların ümumi qiyməti $6 mln 646,7 min, birinin qiyməti  $136,8 təşkil edib.

Ən böyük saat tədarükçüləri VMF və AZTIME-dır. Onların Bakı və başqa şəhərlərdə 11 və 6 ixtisaslaşdırılmış mağazası var. 08B