Azərbaycan rabitə bazarının lider mobil operatoru Azercell Telekom-un abunəçilərinə təqdim etdiyi yeniliklər davam edir. Şirkət bu dəfə 4,6 milyonluq abunəçi ailəsi üçün yeni Samsung planşet kampaniyasına başlayır. 3 iyun-3 avqust 2015-ci il tarixləri arasında, Integral şirkətilə birgə təqdim olunan bu kampaniya abunəçilərə bir sıra üstünlük qazandırır. Belə ki,kampaniya çərçivəsində müvafiq İntegral satış məntəqələrindən planşet əldə edən müştəri 5GB internet hədiyyə qazanacaq.Özü də 5GB internet heç bir şərt olmadan abunəçiyə təqdim edilir. Bundan əlavə,5GB balansla yanaşı, Samsung planşeti alan müştərilərə pulsuz Azercell data nömrə də hədiyyə olunur.Hədiyyə olunan 5GB internetin istifadə müddəti 30 gündür. Qeyd edək ki, kampaniyada 35-dən çox planşet modelləri iştirak edir. Azercell bundan sonra da öz abunəçilərinə keyfiyyətli rabitə, peşəkar abunə xidməti və qabaqcıl texnoloji həllərlə yanaşı, geniş sayda kampaniyalar, xidmətlər və sərfəli tariflər təqdim etməkdə davam edəcək.
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz