Azercell yeni texnologiyaları inkişaf etdirir

1 fevral 2014-cü ildən Azərbaycanda «mobil nömrə daşınması» (Mobile number portability — MNP) xidməti başlayıb. «Azercell Telecom» MMC prezidenti Kirill Qaburiçin Infocity.az portalına müsahibəsini veririk.  

Onun sözlərinə görə, Azercell yeni xidmətə hazırdır. Bu xidmət rabitə keyfiyyətini yaxşılaşdıracaq, tarifləri optimallaşdıracaq. Artıq nömrələrin daşınması ilə bağlı yüzlərlə müraciət olub. «Bakı və regionlarda bu prosesi asanlaşdırmaq üçün 200-dən çox məntəqə açmışıq», -deyə Qburiç bildirib.

Hər ölkədə bu xidmətin spesifikası olur. Burda bir çox amillər rol oynayır. Abunəçilərin loyallığını da bura əlavə etmək lazmdır. Operator müxtəlif kampaniyalar keçirir, innovativ xidmətlər tətbiq edir. 2013-cü ildə regional tarif planı, yeni 3G və 4G tarif paketi, rouminq güzəşti və s. tətbiq olunub. Beynəlxalq zənglərin tarifləri 30% ucuzlaşıb.

Onun sözlərinə görə, bazarda abunəçi üçün qeyri-korrekt mübarizə yoxdur. Azercell TeliaSonera Group-un praktikasına uyğun olaraq «MNP qərargahı» yaradıb. İş prosesində yaranan problemlər burda həll edilir.

İnternet xidmətin təkmilləşdirilməsinə gəlincə, prezident all-dataya istinad edir. 2013-cü ildə Azercell-də trafik artımı 120% olub. Söhbət 4,8 mln geqabayt informasiyadan gedir. Təkcə trafik yox, İnternet istifadəçiləri də artır. Hər bir ikinci  Azercell abunəçisi mobil internetdən istifadə edir.

Prezidentin sözlərinə görə, rayonlarda 3G şəbəkəsinin maksimal genişləndirilməsi planlaşdırılır. 4G-yə investisiya qoyuluşu yeni texnologiyaların inkişafına töhfədir. Söhbət «Ağıllı ev» kimi yeniliklərdən gedir Bu kontekstdə 2012-ci ildən 4G bütün Bakını və Abşeronu əhatə edib. Mobil internet paketləri artıq daha universal olur. --17D—