"Azəriqaz" "ASAN" xidmət vasitəsilə xidmətlərinin sayını artırır

"Azəriqaz" İstehsalat Birliyi "ASAN xidmət"də göstərdiyi xidmətlərin sayını artıracaq.

İndi mexaniki sayğacların smart tipli sayğaclarla, eləcə də smart tipli sayğacların digər smart tipli sayğaclarla əvəz olunması səbəbindən yeni smart-kartların verilməsi, yeni qazlaşma nəticəsində quraşdırılmış smart tipli sayğac kartlarının verilməsi, eləcə də səbəbindən asılı olmayaraq istənilən ödəniş provayderi vasitəsilə həyata keçirilmiş qüsurlu ödənişin bərpa edilməsi kimi xidmətlər də "ASAN xidmət" mərkəzlərində həyata keçiriləcək.
"Xidmətlərin əhatə dairəsi genişləndikdən və yeni növ xidmətlərin tətbiqindən sonra Bakı şəhərindəki Qaz istismar sahələri tərəfindən bu xidmətlərin göstərilməsi dayandırılacaq", - deyə İB-də qeyd edirlər.

"ASAN" xidmətin №1 mərkəzində abunəçilərə bu xidmətlər göstərirlir: itirilmiş smart kartın bərpası , artıq qeydiyyatda olan və QİS-də təsdiq olunmuş məcburi köçkün abonentlərinin limitlərinin verilməsi, saldoların çap olunması və borc haqqında məlumatın verilməsi, smart tipli sayğaclardan istifadə edən abonentlərin şəxsi məlumatlarında dəyişikliklərin edilməsi, smart tipli sayğaclarının istismarı ilə bağlı məlumatın verilməsi

İstehlakçılarla münasibətlərin təkmilləşdirilməsi, göstərilən xidmətlərin keyfiyyətinin yüksəldilməsi məqsədilə Bakı şəhərində "Azəriqaz" İB-nin ayrıca fəaliyyət göstərən Müştəri xidmətləri ofisinin açılması da planlaşdırılır.
“ASAN xidmət” mərkəzləri Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində Azərbaycan Respublikası Prezidentinin 2012-ci il 13 iyul tarixli 685 nömrəli Fərmanına əsasən yaradılıb. Xidmətin Bakıda 3, Sumqayıt və Gəncədə 1 mərkəzi var.

Regional mərkəzlər olmayan yerlərdə səyyar mərkəzlər fəaliyyət göstərir. Xidmət siyahısına bunlar daxildir: doğumun qeydə alınması, vətəndaşlıq vəziyyəti aktlarının dövlət qeydiyyatı haqqında şəhadətnamələrin (təkrar şəhadətnamələrin) verilməsi, şəxsiyyət vəsiqələrinin verilməsi və dəyişdirilməsi, ümumvətəndaş pasportlarının verilməsi və dəyişdirilməsi, kommersiya hüquqi şəxslərin və vergi ödəyicilərinin qeydiyyatı, yaşayış evləri (mənzilləri) üzərində mülkiyyət hüquqlarının dövlət qeydiyyatına alınması barədə çıxarışların (ilkin qeydiyyat istisna olmaqla) verilməsi, daşınmaz əmlakın təsvirinə, dövlət qeydiyyatına alınmış hüqüqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi, gömrük bəyannamələrinin, gömrük rəsmiləşdirilmələri üçün sənədlərin qəbulu və s –15D—