Bu il avtonəqliyyat vasitələrinin yerüstü parklanması Avropa standartlarına cavab verəcək. Bakı İH səki, yoların hərəkət hisəsi, park və metro stansiyalarını girişində qanunsuz parklanmaların qarşısını almaq üçün sərəncam verib.
Sərəncamda deyilir ki, Bakı şəhərinin küçə və prospektlərində avtonəqliyyat vasitələrinin duracaq yerlərinin müəyyən edilməsi və duracaqlarda işin təşkili müstəsna olaraq Bakı şəhər İcra Hakimiyyətinin səlahiyyətlərinə aiddir.
Bakı şəhər İcra Hakimiyyəti Xüsusi Təyinatlı Avtonəqliyyat İdarəsinin rəisi Həsən Abdullayev Turan-a bildirib ki, Fransada xüsusi parkomatlar sifariş verilib. Parklanma qiymətini Tarif Şurası müəyyən edəcək.
Parkomatların ilk partiyası 1-2 aya Bakıya gətiriləcək. O vaxtacan yerüstü parklanma yerləri təyin ediləcək. Ödəniş nağd olmayacaq. Parklanma müddətinin başa çatması barədə sürücülər SMS göndəriləcək.
Yerüstü parklanmanın təşkili Xüsusi Təyinatlı Avtonəqliyyat İdarəsinə tapşırılıb. İşçilər müqavilə ilə götürüləcək. Buna qədər bu işlə ayrı-ayrı şəxslər və ya Nəqliyyat Nazirliyi məşğul olurdu. Abdullayevin sözlərinə görə, yığılan vəsait dövlət büdcəsinə daxil olacaq.
Sərəncama əsasən, Xüsusi Təyinatlı Avtonəqliyyat İdarəsi duracağın səmərəli təşkili və qanunsuz duracağın qarşısının səmərəli yollarla alınmasının təmin edilməsi məqsədi ilə təşkil ediləcək yeni duracaqlarda intellektual nəqliyyat sistemində mövcud olan yeni avadanlıqlar və texniki imkanlardan istifadə etməklə Nəqliyyatı İntellektual İdarəetmə Mərkəzi ilə əməkdaşlıq etməlidir. Nəqliyyat Nazirliyinin Nəqliyyatı İntellektual İdarəetmə Mərkəzi Xüsusi Təyinatlı Avtonəqliyyat İdarəsinin duracaqlara nəzarət məqsədi ilə quraşdırılmış mövcud texniki-müşahidə vasitələrinin (kameraların) görüntülərindən və digər texniki imkanlarından istifadəsinə şərait yaratmalıdır.
Daxili İşlər Nazirliyi Baş Dövlət Yol Polisi İdarəsinə nəqliyyat vasitələrinin mənsubiyyəti ilə bağlı məlumatların əldə edilməsi üçün “Nəqliyyat Vasitələrinin Qeydiyyatı” bazasından istifadə etməyə müvafiq şərait yaratmalıdır. Daxili İşlər Nazirliyindən xahiş olunub ki, sərəncamdan irəli gələn məsələlərin həlli və avtonəqliyyat vasitələrinin duracaqlara yerləşdirilməsi istiqamətində Bakı şəhər İcra Hakimiyyətinin Xüsusi Təyinatlı Avtonəqliyyat İdarəsinə lazımi kömək göstərilməsini təmin etsin.
Qanunsuz parklanma məsələsi prezident İlham Əliyevin Nazirlər Kabinetinin iclasında tənqidindən sonra aktual olub.
Bakıda avtomobil yollarının ümumi uzunluğu 2400 km-dir. Qeyri-rəsmi məlumata görə, şəhərdə 1000-dən çox qanunsuz parklanma yeri var. 08B
İqtisadiyyat
-
2024-cü ildə Azərbaycanın "Vahid Pəncərə" İxrac Dəstəyi Mərkəzi müəssisə və fiziki şəxslərdən 1,747 sorğu qəbul edərək 3,982 ixrac sertifikatının verilməsini təmin edib. İqtisadi İslahatların Təhlili və Kommunikasiyası Mərkəzinin icraçı direktoru Vüsal Qasımlının sözlərinə görə, bu səylər 288,2 milyon ABŞ dolları dəyərində ixrac əməliyyatlarını dəstəkləyib.
-
Azərbaycanın Ekologiya və Təbii Sərvətlər Naziri Muxtar Babayev Davosda keçirilən Dünya İqtisadi Forumu çərçivəsində Beynəlxalq Enerji Agentliyinin İcraçı Direktoru Fatih Birol ilə görüşüb. Tərəflər yaşıl enerjiyə keçid üçün investisiyaların cəlb edilməsi strategiyalarını və Bakıda keçirilmiş COP29 konfransında əldə olunmuş razılaşmaların icrasını müzakirə ediblər.
-
Azərbaycan Mərkəzi Bankı inflyasiyanı hədəf diapazonu daxilində saxlamağa sadiqliyini bildirib və gələn illər üçün sabit inflyasiya gözləntiləri proqnozlaşdırıb. Mərkəzi Bankın faiz dəhlizinin parametrləri ilə bağlı verdiyi son bəyanatına görə, mövcud monetar siyasət inflyasiyanı hədəf diapazonunda saxlamağa və inflyasiya gözləntilərini sabitləşdirməyə yönəlmişdir.
-
Azərbaycan Mərkəzi Bankı 2024-cü ilin sonuna qədər xarici valyuta ehtiyatlarının 11 milyard dolları keçdiyini bildirərək, valyuta bazarının sabit olduğunu açıqlayıb. Mərkəzi Bankın sədri Taleh Kazımov çərşənbə günü faiz dəhlizinin parametrləri ilə bağlı keçirdiyi brifinqdə ölkənin əlverişli xarici sektor göstəricilərinin valyuta bazarının sabitliyini təmin etdiyini vurğulayıb.
Rəy yaz