![AzFenin xalis mənfəəti 35.4% artıb](https://turan.az/resized/./turan-750-500-resize.webp)
AzFenin xalis mənfəəti 35.4% artıb
Azərbaycan-Türkiyə tikinti-mühəndis birgə müəssisəsi “AzFen” (SOCAR-60%, Tekfen İnshaat ve Tesisat A.S - 40%) 2014-cü ildə 270 mln manatlıq tikinti işləri görüb. Bu, əvvəlki ildəkindən 2 dəfə çoxdur. Şirkət əsasən BP-nin “Şahdəniz” terminalının genişləndirilməsi sifarişini yerinə yetirib.
Şirkətin maliyyə hesabatına əsasən (auditor DRT, Türkiyə), ötən il şirkətin ümumi mənfəəti 38,1 mln manat olub. Bu, 2013-cü ildəkindən 11,5 mln manat çoxdur. Əlavə xərclərə ümumi və inzibati (2 428 min manat, +1,5%), sosial (5 282 min manat, +64,3%) və əməliyyat xərcləri (1 524 min manat, + 3,4 dəfə) daxildir. Beləliklə, AzFen-in vergi ödənişinə qədər mənfəəti 22,8 mln manat olub. Ötən il şirkət 6,8 mln manat mənfəət vergisi ödəyib. Bu, 2013-cü ildəkindən 2,5 mln manat çoxdur.
2014-cü ildə şirkətin xalis mənfəəti 35,4% artaraq 22 mln manat olub.
2013-2014-cü illərdə AzFen təsisçiləri 10,2 mln və 16,3 mln manat mənfəəti bölüb. İl ərzində balans göstəricisi iki dəfə artaraq 124 mln manata çatıb, amma təsisçilərin kapitalı cəmi 55 mln manatdır (+11,6%).
Ötən il əsas vəsaitlərin alınmasına 14 mln manat xərcləyib.
AzFen (1996-cı ildə təsis edilib) Azərbaycanda maliyyə hesabatını beynəlxalq mühasibat standartlarına uyğun hazırlayan 28 kommersiya subyektindən biridir. 08B
-
- Söz istəyirəm
- 9 İyul 2015 11:59
-
- İqtisadiyyat
- 9 İyul 2015 12:18
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz