2014-cü ildə Azərbaycanda ictimai iaşə xidmətləri göstərən subyektlərin sayı 25,4% artaraq 13 850-yə çatıb. Bunlardan 40%-ə yaxın (5458) kafe və restoran Bakıda cəmləşib. Bu barədə Turan-a Dövlət Statistika Komitəsindən (DSK) bildirilib.
Ötən il Bakıda 1375 ədəd yeni sahibkarlıq subyekti yaradılıb ki, onların da əsas fəaliyyət növü ictimai iaşədir. Beləlillə, il ərzində kafe və restoranların sayı minimum 33% artıb.
Müqayisə üçün qeyd edək ki, Naxçıvan Muxtar Respublikasında statistika və ya mənzərə dəyişməyib. Muxtar respublikada cəmi 762 ictimai iaşə obyekti var. Yerli sakinlər bildirirlər ki, NMR-də iqtisadi azadlıqlar məhdudlaşdırılır. 2007-ci ildən cəmi 127 yeni kafe və restoran açılıb. Bu dövrdə Bakıda ən azı 2300 ictimai iaşə müəssisəsi inşa edilib.
Ölkədə ictimai iaşə obyektlərinin birdəfəlik ümumi tutumu 2015-ci ilin əvvəli üçün 0,5 mln. nəfərdən çox olub. Bu 2013-cü ildə olduğundan 32,9% çoxdur. Oturacaq yerlərin 56,3%-i (283,8 min) paytaxtın payına düşür.
DSK-nın məlumatına görə, 2014-cü ildə ictimai iaşə obyektlərinin açıqlanan mədaxili il ərzində 156 mln. manat və ya 19,5% artaraq 1 mlrd. manat təşkil edib. Bakıda iaşə müəssisələrinin kassa dövriyyəsi 627 mln. manat təşkil edib ki, bu da 2013-cü ildə olduğundan 25,7% çoxdur.
Qeyd edək ki, Azərbaycanda ictimai iaşə müəssisələrində qanuni kassa qəbzlərini istəmək adət deyil. Hesabı istəyərkən ofisiant bir qayda olaraq kağızda yazılmış hesabı təqdim edir. Odur ki, ekspertlər açıqlanan göstəricilərin minimum iki dəfə artırılmasını təklif edirlər. Eyni zamanda bu sektorda açıqlanan rəsmi dövriyyə 2007-ci ildən 9 dəfə artıb.08B
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz