Azpromo ixracatçılar üçün təlimatın təqdimatını keçirib

Son 10 ildə Azərbaycanın xarici ticarət dövriyyəsi 8,8 dəfə, ixracat 11 dəfə, qeyri-neft ixracatı 6,5 dəfə artıb, deyə Azərbaycanda İxracın və İnvestisiyaların Təşviqi Fondunun (AZPROMO) rəhbəri Rüfət Məmmədov "İxracatçılar üçün vəsait" kitabının təqdimatında çıxışı zamanı deyib. 

" Əgər 10 il əvvəl respublikanın ticarət tərəfdaşlarının sayı 80 ölkə olduğu halda, hazırda bu rəqəm 155-ə çatıb. 

Onun sözlərinə görə, ölkədə tələb edilən standartlara uyğun yeni texnoloji infrastruktur, məhsul istehsalının yaradılması ixracatın artımına təkan verib. Hazırda Azərbaycan məhsulları ABŞ, Avstraliya, Yeni Zelandiya və Avropanın bir çox ölkələrində reallaşdırılır. O, qeyd edib ki, kitab Almaniyanın Beynəlxalq Əməkdaşlıq Cəmiyyətinin (GİZ) və Avropa İttifaqının Azərbaycandakı Nümayəndəliyinin iştirakı ilə  hazırlanıb. 

"9 istiqamətdən ibarət olan və yerli şirkətlərin ixrac sahəsində maarifləndirilməsi məqsədilə hazırlanmış kitab ixracata yeni başlayan və ya gələcəkdə öz məhsullarını xarici bazarlara çıxarmaqda maraqlı olan şirkətlər üçün nəzərdə tutulmuşdur. Təlimat kitabı beynəlxalq marketinq, xarici bazarlara giriş, qablaşdırma və sertifikatlaşdırma, gömrük prosedurları, nəqliyyat, logistika və s. zəruri mövzuları əhatə edir", - deyə Məmmədov qeyd edib. --17D—