Nəqliyyat problemlərinin həlli şəhər mədəniyyətinin yüksəldilməsindən keçir

«Ekoleks» mərkəzinin və  Dövlət Şəhərsalma və Memarlıq Komitəsinin (DŞMK) nümayəndəsinin iştirakı ilə keçirdiyi mətbuat konfransı Böyük Bakının regional inkişaf konsepsiyası kontekstində Bakının nəqliyyat problemlərinin həlli perspektivinə həsr olunub. Əsas diqqət nəqliyyat və şəhər mədəniyyətinin yüksəldilməsi məsələlərinə ayrılıb, bunlara nail olmadan nəqliyyat problemlərinin həlli mümkünsüz olacaq. 

Ekoleksin  eksperti Samir İsayev qeyd edib ki, bu təşkilatın təşəbbüsü ilə dayanıqlı nəqliyyat sisteminə yönəlik siyasətin formalaşması üçün ictimai məsləhətləşmələrə başlanılıb. Bu dialoqda nəinki elmi və ictimai təşkilatlar, həmçinin dövlət strukturları (ekologiya və təbii sərvətlər, səhiyyə, nəqliyyat nazirlikləri), şəhər planlaşdırılmasına dair təşkilatlar iştirak edir. Ekoleks yol-nəqliyyat infrastrukturu problemlərinə dair araşdırmalar aparıb, nəticədə bir çox çatışmazlıqlar ortalığa çıxıb. Onların arasında: metro xətlərinə paralel və bir birini oxşar avtobus xətlərinin mövcudluğu, minik avtomobillərinin parkinqi üçün yerlərin həcminin aşağı olması, ictimai nəqliyyatdan istifadə mədəniyyəti səviyyəsinin aşağı olmasıdır. Şəhərdə velosipedçilərin hərəkəti üçün xüsusi xətlər yoxdur, üstəlik elektrik nəqliyyat tam ləğv olunub. Minik avtomobillərinin təxminən 70%-i Bakıda cəmləşib. Nəticədə atmosferə tullantıların 70%-i avtomobillərin payına düşür, deyə İsayev qeyd edib.

DŞMK-nin Beynəlxalq münasibətlər və ictimaiyyətlə əlaqələr şöbəsinin rəhbəri Cahangir Qocayev qeyd edib ki, paytaxtın inkişafı konsepsiyası çərçivəsində Bakının ekoloji «yüngülləşdirilməsi üçün» sənaye müəssisələri (məsələn, neft emalı zavodları) ucqar Qaradağ rayonuna köçürüləcək. Hökumət anlayır ki, bu müəyyən həmin müəssisələrin işçiləri üçün nəqliyyat problemləri yaradacaq və onların həlli üzərində işləyir. Bu avtomobil yollarının genişlənməsi, yeraltı avtomobil dayanacaqlarının tikintisi, şəhərə avtomobillərin girişinə məhdudiyyətin qoyulması, paytaxtın girişində avtomobil parkinqlərinin yaradılmasıdır. Hökumət Ələt qəsəbəsində yeni hava limanı tikməyi planlaşdırır, Qocayevin fikrincə, bu Bakıdakı gurultulu ekologiyanı yaxşılaşdıracaq. 

Eyni zamanda DŞMK nümayəndəsi vaxtilə şəhərin şimal girişində müvafiq texniki-iqtisadi əsaslandırma olmadan böyük avtovağzal kompleksi tikən Nəqliyyat Nazirliyini tənqid edib. ««Avtovağzal metro stansiyası itismara veriləndən sonra burada nəqliyyat problemləri nəinki yüngülləşməyəcək, əksinə, gərginləşəcək, çünki avtovağzalın planlaşdırılması zamanı bir sıra faktorlar (avtomobil yoluna yaxınlıq, yalnız bir giriş və çıxışın olması) nəzərə alınmayıb. 08B