![AzTV-nin birgünlük şirkətlərə əməkdaşlığı davam edir](https://turan.az/resized/./turan-750-500-resize.webp)
AzTV-nin birgünlük şirkətlərə əməkdaşlığı davam edir
Bakı/18.08.17/Turan: AzTV QSC Dövlət Teleradio Şirkəti mal, iş, xidmət satınalması üzrə bir neçə tenderin nəticələrini açıqlayıb. Onların bir çoxunda birgünlük şirkətlər qalib gəlib.
"TV-Media Azerbaijan" MMC 3 fevral 2017-ci ildə yaradılıb. Artıq fevralın 23-də verilişlərin bədii tərtibatı üçün AzTV ilə müqavilə imzalayıb. Müqavilənin qiyməti 49 min manatdır. Tender komissiyasının üzvü, mühasibatlığıın əməkdaşı İlham Mirzəliyev bunu həmin şirkətin əməkdaşlarının yüksək peşə hazırlığı ilə izah edir. "Şirkət müqavilədə nəzərdə tutulan işi başa çatdırıb və tərəflər təhvil-təslim üzrə protokol imzalayıb".
"Bizness-Elit" və "İnteqral-KS" iki tenderdə qalib gəlib. AzTV-nin məlumatına görə, bu şirkətlər Dövlət Teleradio Şirkətinə təsərrüfat malları (42 min 883 manat) və kartric (49 min 425 manat) tədarük edib. Hər iki şirkət 2016-cı ilin dekabrında Lənkəranın Girdeni kəndində yaradılıb. Vergilər Nazirliyinin məlumatına görə, yaradılan zaman bu şirkətlərin rəhbəri Cəbrail Həsənov olub, indi onların direktoru Natiq Qasımovdur
"Merkator İncorporated" şirkəti 2016-cı ilin martında İsmayıllının Basqal kəndində yaradılıb. Onun ictimaiyyətə yeganə məlum işi AzTV-yə 49 min 590 manatlıq elektrik avadanlğı tədarüküdür. AzTV ilə 11 min 760 manatlıq təcrübə-təftiş işlər üzrə müqavilə bağlayan "Energu Test Service" MMC haqda da məlumat yoxdur. Dövlətstandartkomun reyestrində bu şirkətin akkreditasiyası haqda informasiya verilməyib.
Əvvəllər media mütəxəssisləri dövlət şirkətini saxta şirkətlərlə milyonlarla dövlət vəsaitini talan etməkdə ittiham edib. Bir sıra hallarda iş məhkəmə araşdırmalarına kimi gedib (http://www.moderator.az/news/126607.html). 08B
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz