Dövlət Əmlak Məsələləri Komitəsi (DƏMK) “Qorqud Assosiasiyası” MMC-ni “Bakı Çayçəkici” ASC-nin 93,96% səhminin satışı üzrə investisiya müsabiqəsinin qalibi elan edib.
DƏMK-nın müsabiqə komissiyasının qərarı mayın 16-da qəbul edilib və ayın 21-də açıqlanıb. Müsabiqədə iki iddiaçı iştirak edib. İkinci şirkətin adı açıqlanmır.
Altı ay ərzində müəssisənin inkişafına 400 min manat qoyulacaq. Keçmiş çay fabriki topdansatış bazası və logistik xidmətlər mərkəzi üzrə yenidən profillənəcək.
“Qorqud Assosiasiyası” MMC nominal dəyəri 161,3 min manat olan səhmin alınması üçün dövlət büdcəsinə 80 min manat köçürəcək.
Şirkət 1995-ci ildə təsis edilib. Nə ilə məşğul olduğu məlum deyil.
Qeyd edək ki, SC-nin səhmlərinin 6,04 %-i fabrikin əmək kollektivinin üzvlərinə məxsus olub. Bu ilin may-iyun aylarında birjada səhmlərin 3,7%-nin alqı-satqısı üzrə bir neçə əqd qeydə alınıb.
DƏMK “Özəlləşdirmə haqqında” qanuna zidd olaraq bu SC-nin torpaq sahəsi haqda informasiyanı açıqlamır. 08B
İqtisadiyyat
-
Bu il Avstraliyanın Fortescue Future Industries (FFI) holdinqinin Azərbaycanda "yaşıl" layihələrin inkişafına dair planları yenidən tənzimlənib, lakin iki il əvvəl başlayan danışıqlar davam edir, Turan-a məlumatlı mənbə bildirib.
-
Milli Məclis bazar ertəsi keçirilən iclasda 2025-ci il üçün Dövlət Sosial Müdafiə Fondunun (DSMF) büdcə layihəsini birinci oxunuşda təsdiqlədi. Layihədə gəlir və xərclərin 7,676 milyard manat səviyyəsində, yəni ötən ilə nisbətən 10,45% artımla balanslaşdırıldığı, kəsirsiz maliyyə planı nəzərdə tutulur.
-
Avropa Yenidənqurma və İnkişaf Bankının (EBRD) proqnozlarına görə, Azərbaycan 2024-cü ildə mühüm iqtisadi dəyişikliklərə hazır görünür. 2023-cü ildə siyasətçilər üçün davamlı çətinlik yaradan inflyasiyanın əhəmiyyətli dərəcədə azalması gözlənilir. Orta illik inflyasiya səviyyəsinin 8,8%-dən 3,5%-ə düşəcəyi proqnozlaşdırılır. Bununla belə, inflyasiyanın azalması fonunda ölkənin cari əməliyyatlar profisiti – xarici iqtisadi gücünün göstəricisi – ÜDM-in 9,9%-dən 8,5%-ə enəcək.
-
2024-cü ilin ilk on ayında Azərbaycanın tərəvəz və meyvə ixracı, Dövlət Statistika Komitəsinin məlumatına görə, ötən ilin eyni dövrü ilə müqayisədə fiziki çəkidə 4,1%, dəyər baxımından isə 1,7% azalıb. Kartof və fındıq kimi əsas ixrac məhsulları ciddi azalma ilə üzləşib, lakin alma, xurma və pomidor kimi məhsullar mülayim artım göstərib.
Rəy yaz