QHT-lər dövlət vəsaitərini yeyir

Birinci yarımil bitmək üzrədir, amma indiyədək ictimaiyyətin ölkə prezidenti yanında QHT-lərə Dövlət Dəstəyi Şurası tərəfindən maliyyələşdirilən layihələrin əksəriyyətinin mahiyyəti haqqında təsəvvürü yoxdur. Müxtəlif mövzular üzrə qrant almış 217 təşkilatdan ibarət siyahı (http://www.cssn.gov.az/xeberler/20140210062751306.html) görülmüş işin böyük olduğunu göstərmir. 2 mln. manata yaxın büdcə vəsaiti xərclənib, nəticə isə aydın deyil.

Maliyyə Nazirliyinə maliyyə hesabatı lazımdır, məhsulun keyfiyyəti onu maraqlandırmır. İnzibati Xətalar Məcəlləsinin 247-1-ci maddəsinə (qanunvericiliyin, hesabatların və mühasibat uçotu üzrə məlumatların verilməsi qaydalarının pozulması) əsasən, mühasibat uçotu subyektinin qanunvericilikdə müəyyən edilmiş qaydaları pozması vəzifəli şəxslərin 300 manatdan 400 manatadək, hüquqi şəxslərin 1,5 - 2 min manat cərimə olunmasına səbəb olur.

Lakin ictimaiyyətə (vergi ödəyicilərinə) konkret nəticə lazımdır. Metodikaya və dünya təcrübəsinə əsasən, qeyri-hökumət təşkilatları təkcə donorlar və hökumət deyil, həm də benefisiarlar, işgüzar qrup və maraqlı tərəflər, o cümlədən vətəndaşlar qarşısında hesabat verməlidir, layihələr məhz onlar üçün həyata keçirilir.

Bu yaxınlarda QHT-lərə Dövlət Dəstəyi Şurasının rəhbərliyi bildirib ki, bəzi təşkilatlar hesabatları zəif olduğu üçün artıq müsabiqələrə buraxılmayacaq. Bu, Şurada "daimi qeydiyyatı olan" QHT-lərin narazılığına səbəb olub.

İndi yeni siyahı dərc edilib (http://www.cssn.gov.az/xeberler/20140526110652955.html), onun əsasında uyğunluqların sayını və layihələrin həyata keçirilməsi səviyyəsini müəyyən etmək olar. -17D-