Əmlak Məsələləri Dövlət Komitəsi “Bakı Çayçəkici” ASC-nin səhmlərinin 93,96%-i yenidən investisiya müsabiqəsinə çıxarıb. Müsabiqə elanından görünür ki, 3,92 ha ərazi tutan müəssisə öncədən izah verilmədən bakının mərkəzindən Bakıxanov qəsəbəsinə köçürülüb.
Bakı Çayçəkci Fabriki 1966-cı ildə istismara verilib və son vaxtacan Nəsimi rayonu K. Səfərəliyev,24 ünvanında olub. İndi onu Sabunçu rayonuna (Bakıxanov qəsəbəsi, Qocayev küç, 21) atıblar. Görünür, kimsə müəssisənin ərazisinə göz dikib.
ƏMDK mətbuat xidmətinin rəhbəri Qulu Xəlilov bildirib ki, baş verənlərin səbəbi araşdırılacaq.
ƏMDK investorlardan profili dəyişməməyi tələb edir. Yüksək keyfiyyətli çay istehsalı üçün investorlardan müvafiq investisiya proqramı ilə yanaşı dövlət büdcəsinə 150 000 manat köçürmək tələb edilir.
Ərizə və təkliflər 4 sentyabra kimi qəbul edilir.
“Bakı Çayçəkici” ASC-nin nizamnamə kapitalı 171 740 manatdır. Müsabiqəyə 80 680 səhm çıxarılıb. Fabrikdə 14 nəfər çalışır. 1 iyun üçün müəssisənin öhdəlikləri 169,2 min manat olub. Səhmlərin 6,04%-i əmək kollektivinə məxsusdur. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz