Bakı ikinci dəfə Avrasiya məkanında sement istehsalçılarının görüş yeri olacaq

Oktyabrın 20-dən 23-ə qədər Bakıda Avrasiya sement forumu keçiriləcək -  XXIV beynəlxalq konfrans və sərgi - BusinessCem Baku 2013. Sonuncu dəfə BAkı 2008-ci ilin oktyabr ayında Avrasiya məkanında sement istehsalçılarının görüş yeri olub. 

Azərbaycanda İxracın və İnvestisiyaların Təşviqi Fondundan (AZPROMO) Turana bildiriblər ki, forumun işində 14 ölkədən 70 şirkətin nümayəndələrinin iştirakı gözlənilir.

Forumun təşkilatçısı «BiznesSem» MMC (Rusiya), baş tərəfdaşı – «NORM» MMC-dir (Azərbaycan). Bu ayın sonuna bu müəssisənin ildə 2 mln ton gücü olan zavodunun təmtəraqlı açılışı gözlənilir.

Son 20 ildə BusinessCem beynəlxalq reputasiya qazanıb və peşakar konfrans və sərgidərin keçirilməsi və təşkilində təcrübə əldə edib. İlk Avrasiya sement forumu 2008-ci ildə təşkil edilib. 

«BiznesSem»də qeyd edirlər ki, Azərbaycanda sement sənayesi iqtisadiyyatın inkişafda olan sahələrindən biridir və ona görə də BusinessCem məmnuniyyətlə qədim və gözəl Bakıya qayıdır.

Konfrans Azərbaycan Respublikası İqtisadi İnkişaf Nazirliyinin və Rusiya sement istehsalçıları ittifaqının dəstəyi, AZPROMO-nun təşkilatı dəstəyi ilə keçirilir.     

Forumun əsas mövzusu Azərbaycanın və MDB ölkələrinin iqtisadi inkişafının müasir mərhələsində sement və tikinti sənayesinin təchizat vasitələrini texniki baxımdan tamamilə yeniləşdirilməsi və  strateji inkişafı olacaq.

Konfrans çərçivəsində geniş ixtisaslaşdırılmış sərgi keçirilir. 08B