Bakı şəhər İcra Hakimiyyəti Sübhi, 2 sakinlərinə köməyi gecikdirir

Buzovna qəsəbəsində Sübhi küçəsi 2 ünvanındakı 9 mərtəbəli binanın üç mənzilinin sakinləri Bakı şəhər İcra Hakimiyyətindən yardım ala bilmir. Bina Bakı şəhər İcra Hakimiyyəti Mənzil-Kommunal Təsərrüfatı Departamenti Birinci Xüsusi Mənzil-Kommunal Təsərrüfatı Briliyinin sərəncamındadır.

Yanğın 18 dekabr 2016-cı ildə 7-ci mərtəbədə olub və  ondan 8 və 9-cu mərtəbədəkilər ziyan çəkib. Balkonların plastik pəncərələri tam yanıb. Eləcə də balkondakı pəncərə və qapıları əriyib.

Yanğına 5 il əvvəl binanın üzünə çəkilən köhnə laminasiyalı üzlük səbəb olub. 2015-ci ildə ölümlə nəticələnən yanğınlardan sonra haimiyyət bu cür örtüklü yaşayış evlərinin örtüyünü dəyişib. Sübhi küçəsi 2 ünvanındakı binada da belə olub. Amma inşaatçılar balkonlarda örtüyü saxlamaqla “xaltura” edib. Binada fasad örtüyünün dəyişilməsi işləri də başa çatmayıb. Bununla bağlı sakinlər bütün instansiyalara şikayət edib. Bundan sonra işlər bərpa olunub.

Bir ay ərzində Bakı hakimiyyəti 3 mənzilin qapı və pəncərələrini dəyişməyə vəsait tapmayıb. Əvvəllər mənzillərin sığortalanmaması bəhanə edilirdi. Şikayıət ediləndən və FHN  müəyyən edilmiş şərt və normalara uyğun olmayan material faktını təsdiq edəndən sonra İH təmir barədə vəd verməyə başlayıb. Bundan əvvəlki belə yanğınların zərəri dövlətin hesabına aradan qaldırılıb.

Turan Agentliyi Bakı şəhər İcra Hakimiyyətinə bu barədə sorğu göndərmək qərarına gəlb.—0—