«Azərbaycan Dəmir Yolları» QSC martın 3-dən Bakı-Sumqayıt və əks istiqamətdə elektrik qatarlarında gediş haqqını bahalandırıb.
Bakı-Sumqayıt, Sumqayıt-Bakı marşrutu üzrə qiymət 25% bahalanıb və bu gündən 1 manatdır. Aralıq stansiyalar üzrə (Biləcəri və Xırdalan) tariflər də dəyişib.
ADY mətbuat xidmətində qeyd ediblər ki, tariflər dəmir yolu idarəsinin inzibati xərclərini balanslaşdırmaq üçün artırılıb.
2016-cı ildən dəmir yolu daşımalarında tariflərə baxmaq səlahiyyəti ADY rəhbərliyinə verilib. Buna qədər dəmir yolu daşımalarında tarifləriin tənzimlənməsi ilə Tarif Şurası məşğul olurdu.
Gün ərzində Bakıdan Sumqayıta qatarlar 11 dəfə gedir. Hər gün bu qatarlardan 5 minədək sərnişin istifadə edir. 08D
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz