Bakıda Azərbaycan-Niderland biznes forumu

Bu gün Bakıda Azərbaycan-Niderland biznes-forumu keçirilib. Giriş sözü ilə çıxış edən iqtisadiyyat nazirinin müavini Sahil Babayev deyib ki, Niderlandin Azərbaycana yatırdığı investisiyalar 900 mln dollardan çoxdur. Bunun 340 mln dolları son 3 ildə qoyulub. Holland investorlar Azərbaycana sərmayə qoymaqda dördüncü yeri tutur. Babayevin sözlərinə görə, Niderland şirkətləri son illər Azərbaycanda 180 milyon dollar məbləğində müqavilələr imzalayıblar.

Niderland Senatının üzvü Rene van der Linden deyib ki, ölkəsi Azərbaycan iqtisadiyyatının inkişafına və şaxələndirilməsinə kömək edə bilər.

Azərbaycan-Niderland biznes forumu çərçivəsində birgə biznes mərkəzin yaradılması haqqında memorandum imzalanıb. Memorandum "ADA" Universiteti ilə Niderlandın Limburq vilayəti arasında imzalayıb.

Bundan başqa, biznes forum çərçivəsində daha 3 memorandum imzalanıb - Sumqayıt Kimya Sənaye Parkı ilə Niderlandın "Chamelot" Kimya Parkı arasında, "ASAN" innovasiyalar mərkəzi, "Nar", Azərbaycan-Niderland biznes mərkəzi ilə İnformasiya Texnologiyalarının İnkişafı Dövlət Fondu arasında, həmçinin Azərbaycan Polad İstehsalı Kompleksi, Axen Universiteti ilə Maastrixt Universiteti arasında imzalanıb. --17D—

Rəy yaz

İqtisadiyyat

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti