Bakıda Azərbaycan-Rusiya biznes-forumu keçirilir

Bakıda Azərbaycan-Rusiya biznes-forumu keçirilir.

Azərbaycan iqtisadiyyat nazirinin müavini Niyazi Səfərovun sözlərinə görə, 600-ə yaxın RF şirkəti  Azərbaycan iqtisadiyyatına 3 milyard dollar,  Azərbaycan isə Rusiya iqtisadiyyatına 1 milyard dollardan çox sərmayə qoyub.  Nazir müavini əlavə edib ki, 2015-ci ildə iki ölkə arasında əmtəə dövriyyəsi 1,9 milyard dollar təşkil edib. Bunun $1,5 mlrd-ı Rusiyadan idxaldır. Mayın 1-i üçün ticarət həcmi $470 mln təşkil edib.

Yeni Layihələr üzrə Strateji Təşəbbüslər Agentliyinin direktoru Andrey Nikitinin sözlərinə görə, real sektor, energetika və humanitar sahə qarşılıqlı maraq kəsb edir.

Biznes-forumunun yekunlarına dair iki ölkənin biznes-strukturları arasında əməkdaşlıq üzrə 4 sənəd imzalanıb. Belə ki, Azərbaycanda İxracın və İnvestisiyaların Təşviqi Fondu (AZPROMO) və “Delovaya Rossiya” Ümumrusiya ictimai təşkilatı arasında əməkdaşlığa dair memorandum, bundan başqa, AZPROMO ilə “UK Viktoriya Esteyt” MMC arasında Moskva vilayətinin ərazisi (“Viktoria İndustrial Park” sənaye parkı) və Azərbaycan ərazisində sənaye sahəsində investisiya layihələrinin təşviqinə dair sənəd imzalanıb.

Bundan başqa, ZPROMO ilə “VTB Bank (Azerbaijan)” arasında əməkdaşlığa dair memorandum, Rusiyanın “Р-Фарм”, Azərbaycanın “Vita-A” və “Azərbaycan İnvestisya Şirkəti” ASC arasında respublikada əczaşılıq məhsullarının istehsalının təşkilinə dair sənəd imzalanıb. --17D—