Bakıda Beynəlxalq Nəqliyyat Assosiasiyasının iclası keçirilib

Aprelin 1-də Bakıda “Beynəlxalq Transxəzər Nəqliyyat Marşrutu” Beynəlxalq Assosiasiyası  Hüquqi Şəxslər Birliyinin İdarə Heyətinin və eyni zamanda təşkilatın ümumi yığıncağı keçirilib.

Tədbirdə  Azərbaycan, Qazaxıstan və Gürcüstan dəmiryolu qurumlarının, “Azərbaycan Xəzər Dəniz Gəmiçiliyi” QSC-nin, eləcə də Bakı, Aktau və Batumi limanlarının rəhbərləri iştirak ediblər, deyə “Azərbaycan Dəmir Yolları” QSC bildirir.

İdarə Heyətinin yığıncağında birlikdə üzvlük haqqında Əsasnamə, TBNM-in inkişafı inkişafı üzrə “TBNM” BA” HŞB-nin İşçi qrupunun tərkibi, “TBNM” BA” HŞB işçilərinin əmək haqqları haqda Əsasnamə və “TBNM” BA” HŞB-nin 2017-ci il üçün tədbirlər planı təsdiq edilib.

Təsisçilər “TBNM” BA” HŞB-nin Nizamnaməsini və “TBNM” BA” HŞB-nin İdarə Heyətinin tərkibinə dəyişiklikləri də təsdiq edib.

Qeyd edək ki,  Beynəlxalq Transxəzər Nəqliyyat Marşrutu üzrə “Şixezi (Çin)-Dostık-Aktau-Ələt limanı” istiqamətində hərəkət edən ilk “Nomad ekspress” sınaq konteyner qatarı 3 avqust 2015-ci ildə yola salınıb. Daha sonra Ukrayna Beynəlxalq Transxəzər Nəqliyyat Marşrutuna qoşulub.

Beynəlxalq Transxəzər Nəqliyyat Marşurutu ilə hərəkət edən “Nomad Ekspress” qatarı orta hesabla 10-12 günə yükləri Çindən Avropaya çatdırır. Bu da marşrutun əsas üstünlüklərindən biridir. Yaxın gələcəkdə Bakı-Tbilisi-Qars dəmir yolu xəttinin istifadəyə verilməsindən sonra Beynəlxalq Transxəzər Nəqliyyat Marşrutunun yükötürmə qabiliyyəti artacaq və qatarların çatdırılma vaxtı qısalacaq, deyə ADY-də hesab edirlər. 08D