Jumeirah Bilgah Beach Hotel-də III Azərbaycan Beynəlxalq Sığorta Forumu (AIIF) işə başlayıb. İki günlük tədbir Dövlət Sığorta Nəzarəti Xidmətinin dəstəyi ilə keçirilir. Azərbaycan Sığortaçılar Assosiasiyasının sədri Azər Əliyevin sözlərinə görə, ölkəmiz üçün xarici təcrübənin əhəmiyyəti böyükdür.
AIIF Qafqaz regionunda sığorta və təkrarsığorta üzrə əsas tədbirdir.
Forum iştirakçılar arasında interaktiv ünsiyyət üçün platformadır və Qafqaz regionunda bu vacib sahənin inkişafı üçün əsas yaradacaq.
AIIF-2012 təcrübə mübadiləsi, tərəfdaşlıq münasibətlərinin inkişafı üçün işgüzar görüşlər üçün imkan yaradır, regionda sığorta və təkrarsığorta üzrə investisiya imkanlarını artırır, - deyə Əliyev bildirib.
Tədbirdə Avropa, Türkiyə, Orta Asiya, Rusiya və MDB ölkələrindən olan sığorta, təkrarsığorta və broker şirkətlərinin rəhbərliyini təmsil edənlər iştirak edir.
"Forumun təşkilatçıları Azərbaycan Sığortaçılar Assosiasiyası, Dövlət Sığorta Nəzarəti Xidməti, eləcə də Rumıniyanın "Media XPRIMM" şirkətidir, - deyə Əliyev əlavə edib.
Anonsa əsasən, tədbir üç hissədən ibarət olacaq. Birinci regional sığorta bazarının vəziyyəti, tendensiya və perspektivinə həsr edilir. İştirakçıları sığorta aktivlərinin tənzimlənməsi və nəzarətə kompleks yanaşma və beynəlxalq standartlar, Qafqaz ölkələrində sığorta üzrə investisiya imkanları maraqlandırır. Yerli sığorta infrastrukturunun inkişafı, ödəniş qabiliyyəti standartlarına, ağıllı həddə risk qəbuluna müvafiq nəzarət, neft-qaz sektoru üçün sığorta bazarının potensial və imkanları, icbari sığorta növləri də aktualdır.
İkinci hissədə regional təkrarsığorta bazarının (o cvümlədən Orta Asiya) tendensiya və perspektivi, əmlak, təbii fəalkətlərlə bağlı təkrarsığorta risklərinin xüsusiyyətləri müzakirə olunacaq.
Yekunda həyat sığortası və mülki məsuliyyətin perspektiv növləri müzakirə ediləcək. Azərbayacn kimi ölkələr üçün bu sahədə beynəlxalq təcrübə vacibdir. Çünki bu seqment bazarın onda birini, Avropa ölkələrində isə yarıdan çoxunu əhatə edir.
Konfransda sığorta vasitəçiliyi, İnternet və IT-texnologiyalar vasitəsilə satışın genişləndirilməsi də müzakirə olunacaq.
I Azərbaycan Beynəlxalq Sığorta Forumu 10-11 iyul 2008-ci, ikincisi 7-8 iyul 2011-ci ildə keçirilib. --17D--
İqtisadiyyat
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
-
Azərbaycanın dövlətə məxsus enerji şirkəti SOCAR, Avropaya tədarük marşrutlarını şaxələndirmək məqsədilə beynəlxalq qaz layihələrində iştirakını gücləndirir. 2025-ci ilin yanvar ayında şirkət İsrailin Tamar qaz yatağının 10%-lik payını əldə etdi. Bu yataq təxminən 300 milyard kubmetr (bcm) təbii qaz ehtiyatına malikdir və nəhəng Leviathan yatağının yaxınlığında yerləşir. Tamar, Aralıq dənizinin şərq hissəsindən qaz ixracını genişləndirmək üçün əsas mənbə hesab olunur.
Rəy yaz