![Bakıda İqtisadi Əməkdaşlıq Təşkilatının sammiti açılıb](https://turan.az/resized/media/2012/main/101600014852-750-500-resize.webp)
- İqtisadiyyat
- 16 Oktyabr 2012, 12:00
- 62
Bakıda İqtisadi Əməkdaşlıq Təşkilatının sammiti açılıb
Bakıda İqtisadi Əməkdaşlıq Təşkilatının 12-ci zirvə sammiti açılıb. Forumda Türkiyənin baş naziri, Azərbaycan, İran, Pakistan, Əfqanıstan, Tacikistan prezidentləri iştirak edirlər. Qazaxıstan, Qırğızıstan, Özbəkistan, Tacikistan və İordaniya sammitə yüksək vəzifəli rəsmi şəxsləri ilə qatılıb.
Proqrama görə, zirvə toplantısının sədri adından Türkiyənin baş naziri Rəcəb Tayyip Ərdoğan çıxış edəcək. Sonra zirvə toplantısının sədrliyi Azərbaycana keçəcək. Azərbaycan prezidentinin çıxışından sonra digər ölkə rəhbərləri və təmsilçiləri çıxış edəcəklər.
Toplantı Bakı bəyannaməsinin qəbulu ilə başa çatacaq.
İqtisadi Əməkdaşlıq Təşkilatı (İƏT) 1985-ci ildə Türkiyə, İran və Pakistan tərəfindən yaradılıb. Qurum üzv ölkələrin Xarici İşlər Nazirləri Şurasından ibarətdir. Şura təşkilatın fəaliyyət siyasətini, Regional Planlaşdırma Şurasını, Müavinlər Şurasını müəyyən edir. Mənzil-qərargahı Tehranda yerləşən Müavinlər Şurası İƏT ölkələri səfirlərindən ibarətdir.
İƏT-in kənd təsərrüfatı sahəsi, sənaye əməkdaşlığı, nəqliyyat və rabitə, infrastruktur və ictimai işlər, elm, təhsil və mədəniyyət; energetika; narkotik maddələrin yayılmaması məsələləri üzrə fəaliyyət göstərən 8 texniki komitəsi var. Komitələr ildə bir dəfə toplanır. İƏT Nazirlər Şurası da ən azı ildə bir dəfə yığıncaq keçirir.
1993-cü ildə BMT Baş Assambleyasının 48-ci sessiyasında İƏT BMT-də müşahidəçi statusu alıb.
İƏT-in üzv ölkələri bunlardır: Azərbaycan, Türkiyə, Əfqanıstan, İran, Qazaxıstan, Qırğızıstan, Pakistan, Özbəkistan, Tacikistan və Türkmənistan.
-
- Bazarların icmalı
- 16 Oktyabr 2012 08:04
-
- İqtisadiyyat
- 16 Oktyabr 2012 12:00
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz