Bakıda kredit istehlakçılarının hüquqlarının müdafiəsi üzrə beynəlxalq konfrans keçirilib

Bu gün Bakıda “Kredit alanların hüquqlarının müdafiəsi – maliyyə sektorunun sabitləşməsi üçün istehlakçıların hüquqlarının müdafiəsi” adlı beynəlxalq konfrans keçirilib. 

Məhkəmə təhqiqatları aparılan zaman məsələnin hüquqi aspektlərinin müzakirə edildiyi tədbiri Konstitusiya Məhkəməsi Almaniya Beynəlxalq Əməkdaşlıq Cəmiyyəti  (GİZ) və Bakı Hüquq Mərkəzinin dəstəyi ilə (BLC) təşkil edib. 

Konfransda Azərbaycanda bank xidməti istehlakçılarının hüquqi vəziyyəti, kredit ödənilməsi üzrə mübahisələrin baxılmasının hüquqi aspektləri, qanunvericilik normaları və Avropa təcrübəsi müzakirə edilib. 

Konstitusiya Məhkəməsinin hakimi Ceyhun Qaracayev qeyd edib ki, kredit təşkilatlarından xidmət istehlakçısı olan vətəndaşların konstitusiya hüquq və azadlıqlarına hörmət lazımdır. Almaniyanın Azərbaycandakı səfiri Herbert Kvelle qeyd edib ki, bazar iqtisadiyyatı şəraitində istehlak kreditlərinin səviyyəsi artır, maraqlı strukturlar – kommersiya bankları və başqa kredit təşkilatları, məhkəmə orqanları və nəzarət qurumları maliyyə xidməti istehlakçılarının hüquqlarının qorunmasına diqqətlə yanaşmalıdır. Konfransda Zigen (Almaniya) Universitetinin professoru Peter Krabs «istehlakçılar, banklar və iqtisadiyyat: cari vəziyyət, məqsədlər və tənzimləmə imkanları» mövzusunda çıxış edib. Almaniya Maliyyə Xidməti üzərində Federal Nəzarət İdarəsinin təmsilçisi Yohannes Engels xidmətin maliyyə üzrə savadsız kredit istehlakçılarının maraqlarının təmsil edilməsi üzrə işindən danışıb. 

Xatırladaq ki, bu günlərdə Dünya Bankı maliyyə xidməti istehlakçılarının hüquqlarının müdafiəsi üzrə layihəni həyata keçirməyə başlayıb.. 08C