Bu gün Bakıda iki günlük «Tunel tikintisi və yeraltı infrastrukturlar» sərgi-konfransı işə başlayıb.
Fransa Tunel və Yeraltı İnfrastrukturlar Assosiasiyasının (AFTES) fəxri prezidenti Alan Balan bildirib ki, Azərbaycanın metro tikintisində böyük imkanları var. O qeyd edib ki, Fransa Azərbaycanla tunel tikintisi və texniki potensial sahəsində əməkdaşlıqda maraqlıdır.
Tikilməkdə olan Bakı Metropoliteni müdiriyyətinin rəhbəri Arif Rəsulov konfransda bildirib ki, 2025-ci ilə kimi metronun inkişafı üzrə dövlət proqramının həyata keçirilməsi üçün 6-7 mlrd manat tələb olunur. Proqram çərçivəsində 84 km tunel (ikitərəfli hərəkət nəzərə alınarsa, 168 km) tikmək planlaşdırılır. Rəsulov bildirib ki, 1 km tinel 110 mln manata başa gəlir.
İşlər dövlət büdcəsindən maliyyələşir. Gələcəkdə proqramın həyata keçirilməsi üçün xarici investorların cəlb edilməsi istisna edilmir, deyə o qeyd edib.
Konfransın işində müxtəlif ölkələrin dövlət və özəl strukturlarını təmsil edən 300 nümayəndə iştirak edir. 08C
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz