Bakıda XXIV Avrasiya Sement Konfransı keçiriləcək.
Bakıda “Norm” MMC-nin baş sponsorluğu ilə XXIV Avrasiya Sement Konfransı keçiriləcək. Tədbirdə 14 ölkəni təmsil edən 70-dən artıq nümayəndə iştirak edəcək. Tədbir çərçivəsində inşaat avadanlığı və materialları istehsal edən şirkətlərin məhsullarının sərgisi də təşkil ediləcək.
Sement sənayesi üzrə dünya standartlarının Azərbaycanda tətbiq edilməsinə can atan “Norm” şirkəti beynəlxalq sement assosiasiyaları, o cümlədən Almaniyanın VDZ, Türkiyənin TÇMB, Rusiyanın Soyuzcem, BusinessCem, Petrocem ilə münasibətlər qurur və bu qurumlarla sıx əməkdaşlıq edir.
“Norm” şirkətinin əsas tərəfdaşı olduğu və Rusiyanın "BusinessCem" sement forumununtəşkilatçılığı ilə keçirilən konfrans bu qəbildən olan tədbirlərdəndir. Sement sənayesi mürəkkəb və qlobal bir sahədir. Bu sahənin effektli inkişafına əngəl törədən problemlərin aşkarlanması və həlli üçün bütün əlaqəli tərəflərin birgə səyləri tələb olunur. Bu baxımdan konfrans böyük əhəmiyyət kəsb edir və mütərəqqi texnologiyaların təşviqinə imkan yaradır. Sement və tikinti materiallarının istehsalı, tətbiqi və satışı üzrə müxtəlif ölkələri təmsil edən mütəxəssislər tədbirdə açıq və konstruktiv fikir mübadiləsi aparmaq üçün əlverişli imkan əldə edəcəklər.
Konfrans 21-23 oktyabrda, Bakıdakı “JW Marriott Absheron” otelində baş tutacaq.Tədbir Azərbaycanda İxracın və İnvestisiyaların Təşviqi Fondunun (AZPROMO) dəstəyilə keçirilir.
Konfransın Bakıda keçirilməsi təsadüfi deyil. Azərbaycanda tikinti sektorunun sürətlə inkişafı sementə tələbatı artırıb və yeni istehsal qüvvələrinin yaradılmasına təkan verib. Bu baxımdan “Norm” şirkətinin yeni sement zavodu xüsusi maraq doğurur. Bakının Qaradağ rayonunda inşa edilən “Norm Sement” zavodu cənubi Qafqazın ən iri sement zavodu olub, istehsal gücü gündə 5 min ton klinker, ildə isə 2 milyon sement təşkil edir.
Zavodda müasir texnologiyalar tətbiq edilib, Almaniya, Fransa, İsveçrə və Niderlandın aparıcı istehsalçılarının avadanlıqları quraşdırılıb. Hal hazırda zavodda tikinti-montaj işləri başa çatıb və ilkin sementin istehsalına başlanılıb. 2013-cü ilin sonunadək zavodun tam istismara verilməsi nəzərdə tutulur.—06В--
-
- İqtisadiyyat
- 18 Oktyabr 2013 17:15
-
- Siyasət
- 18 Oktyabr 2013 18:00
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz